MARRO 12:30 - Qullaawa Maxaafa

³⁰ albi'nenni ba'uhu gedensaanni, ‹Tini daga magannansa hiitto assite magansidhanno? Ninkeno insa gede assineemmo› yitine woshshaadantinannikki gede qorophe.

MARRO 12:30 ပူးပေါင်းရင်းမြစ်များ

LAYINKI MOOTOOLLA 16:10

Akaazino Telgeltelfelsoorinni xaadara Demaasiqo ha'ri. Maranno woyite hakkiicho kakkalote uduunnicho afe, hakko suudiha seekkannosi gede akeekinoricho qeesichu Ooriyowa soyi.

LAYINKI MOOTOOLLA 17:15

Kulinonsa woga diwonshitino; annuwansa ledo eino gondoorono diagadhitino; seejjinonsa seejjo baala lashshi assite agurtino; haafu misilla magansidhanni insano tidhitinokkire ikkitino; Kaaliiqi qooxeessinsara noo daga woga amaddannokki gede kulinonsa hajajo diigge, insa hoode hadhino.

FULO 23:24

Magannansa magansidhinoonte; qoltineno soqqantinoontensa; loosinsarano karsantinoonte. Magannansa co'o assitine hunne. Magansidhannota sooddiyyensano hiiqqaqqe.

ERMIYAASI 10:2

Wole daga hadhanno doogo hadhinoonte; insa affe egentinokkire, gordu iima affanno woyite, waajjite huxi'ra rosonsaati. Ki'ne kayinni konne coye affine waajjitinoonte.

HIZIQEELI 11:12

Seera'yanna woga'ya diigatenni ollii'nera noo manni seeranna woga wonshitinoonnihura, qorichishoommo'nehu ani Kaaliiqa ikkoommota affinanni» yii.

HIZIQEELI 20:28

Aammonsara xaaroommo baatto haa're abbummonsa yannara, seeddaanna gaarranna lattino haqqe la'ino; hakkuri aanano kakka'litino; fushshaate shiqishatenninna hixaana giiratenni hanqissinoe.

HIZIQEELI 20:32

Wole daga gede woy haqqenna kinna magansidhannori gede ikkate heddinoonni. Kayinni, kuni horonta di"ikkanno coyeti.

LEEWAAWOOTA 18:3

heedhinoonni gobba manni Gibitsennihu assannore assitinoonte; haa're masseemmo'ne gobbahu Kana"aani manni assannoreno assitinoonte; wogansano ha'runsitinoonte.

LEEWAAWOOTA 18:30

«‹Hajajo'ya agadhe; ki'nera albaanni baattote aana heedhannori assitino bunshe giddonni mitte bunsheno assitinoonte; kurinni umo'ne batteessitinoonte. Ani Kaaliiqi Magano'neeti› yiino yite kulinsa» yii.

KIIRO 33:52

hakkiicho noo manna baala shorritine hunne. Boncenna daashshine seekkinoonnita kaphu maganna baalanta gudde; magansi'nanni tulluwa baala diigge.

ROOMU SOKKA 12:2

Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

EFESOONI SOKKA 4:17

Kunnira, tidhitinokki hedori Maganiweello gosa heedhanno garinni heedhinannikki gede, seekke kuleemmo'ne; Mootichu su'minni seejjeemmo'ne.

MARRO 11:16

«Kaaliiqiwiinni faffine wole gobba maganna magansidhinannikki gedenna insara kumbuultinannikki gede agadhe.

MARRO 12:29

«Magani'ne Kaaliiqi horritinannirenna shorritine huntinanni daga albi'nenni hunanno. Insa huneenna baattonsara heedhinanni yannara kayinni,

MARRO 12:31

Insa magansidhanno woyite, Kaaliiqi giwanno coye baala assitanno. Oosonsa nafa magannansara giirte kakkaltanno. Kunni daafira, Magano'ne Kaaliiqa insa magansidhanno garinni horonta magansidhinoonte.

MARRO 18:9

«Magani'ne Kaaliiqi aanno'ne gobba iillitinanni yannara, hakkiicho heedhanno dagata busha woga ha'runsitinoonte.

MARRO 20:18

Insa shaa hoogginiro magannansa magansidhanno gara rosiisseenna'ne, Magani'ne Kaaliiqi aana cubbo loossinanni.

MARRO 7:16

Magani'ne Kaaliiqi anga'nera sayise aanno'ne gosa baala gatissinikkinni shiiyye; marartinoonte. Woshshaadote gede ikkite amaddanno'nena, magannansa magansidhinoonte.