MARRO 12:21 - Qullaawa Maxaafa

²¹ Magani'ne Kaaliiqi magansidhinasira doodhino dargi ki'newiinni lowo geeshsha fafinoha ikkiro, hajajoommo'ne garinni Kaaliiqi uyino'ne lalo, ge'reewonna me"e gorridhine mine'ne hasidhini yannara ita dandiitinanni.

MARRO 12:21 ပူးပေါင်းရင်းမြစ်များ

UMI MOOTOOLLA 14:21

Moote Selemooni beetti Roobiaami Yihudaho moohi yannara dirisi shoyilliina mittoho. Isino Kaaliiqi magansi'nasira doodhino darga Yerusaalame teesso assi're 17 diro gashshino. Amasi Amoonittete; su'maseno Naima yinanni.

LAYINKI DUDUWO 12:13

Roobiaami gashshootesi jawaachishi're Yerusaalamete hee'ri. Moohi waro dirisi 41. Israeelete baatto baalate giddonni Kaaliiqi magansi'nasira dhoodhinoha Yerusaalamete Katama teesso assi're 17 diro gashshino. Amasi ilama Amoonittete. Su'maseno Naima yinanni.

IZIRA 6:12

Tenne hajajo diigate woy Yerusaalamete nooha Qullaawa Mine hunate hedanno moote woy manna baala hakkiicho magansi'nasira doodhino Magani hunosi. Ani Daariyoosi tenne hajajo seekkine wonshinanni gede hajajoommo» yitanno sokka soyi.

FULO 20:24

Anera kakkalote darga bushshunni seekke"e; shilqonnitanna mittimmate kakkalo boottannitanna ge'reewunnita hakkiicho kakkalle"e; su'mi'ya qaagamanno gede hedoommo darga baalaho daye maassi'reemmo'ne.

MARRO 12:11

Hakkunni gedensaanni, Magani'ne Kaaliiqi su'misi galannowa ikkanno gede doodhanno darga, hajajeemmo'nere baalanka: Shilqote kakkalonna wole kakkalo, tonnunni mittonna baxxine uyitinanni afansha, hattono Kaaliiqira xa'nitinoonniha ayirrado coye baala hakkiira abbitinanni.

MARRO 12:15

«Ikkirono, Magani'ne Kaaliiqi aanno'ne atooti deerrinni, heedhiniwa baala bulaanna geedimo ittinanninte gede, umi'ne saada gorritine hasidhini geeshshi maala itte. Seeru garinni maganittete doogora keeraa'minohuno ikko keeraa'minokkihu baalu konne maala ita dandaanno.

MARRO 12:20

«Magani'ne Kaaliiqi uyino'ne hexxo garinni gashshoote'ne halashshanno yannara, maala yorsiisi'nero, hasidhini yannara ita dandiitinanni.

MARRO 12:22

Seeru garinni keeraa'minohuno ikko keeraa'minokkihu bulaanniha woy geedimu maala, wole saada itanno garinni itona.

MARRO 12:5

Kayinnilla, Magani'ne Kaaliiqi su'misi hee'rannowa ikkanno gede ga're'ne mereero doodhannowa martine magansidhesi.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 16:6

Ikkollana kayinni, magansi'nannisi gede Magani'ne Kaaliiqi doodhanno darga, arrishsho e'anno woyite hawarro Gibitsetenni fultini wari yanna qaagate Mararrote Ayyaani kakkalo shiqishshe.

MARRO 26:2

mitti mitti'ne Magani'ne Kaaliiqi aanno'ne baattonni gamba assidhinanni laalchi baalunkunni umiha haadhine gimboolaho worre. Hakkunni gedensaanni, Magani'ne Kaaliiqi magansi'nasira doodhanno dargira haadhine abbe.