MARRO 12:2 - Qullaawa Maxaafa

² Baattonsa aaninni shorritinanni daga seeddaanna ilaallara, gaarratenna lattino haqqe hunda magannansa magansidhanno darga baala co'o assitine hunne.

MARRO 12:2 ပူးပေါင်းရင်းမြစ်များ

UMI MOOTOOLLA 14:23

Wole gobba maganna magansi'nanni darga seekkidhu. Gaarrate aananna sinnaame haqqe hunda magansidhanno sooddiyyenna Asheera mokkollo uurrisidhu.

UMI MOOTOOLLA 3:2

Hatte yannara Kaaliiqi su'ma ayirrisate yine Qullaawa Mine minnoonnikki daafira, mannu gaarrate aana kakka'lanni no.

LAYINKI MOOTOOLLA 11:18

Hakkunni gedensaanni baalunku marte Ba"aali galma diiggu; kakkalote darganna misilla baala cancantu; Maataani yinanniha Ba"aali qeesichano kakkalote dargira albaanni shitu. Qeesichu Yoodahe Qullaawa Mine agartannore wori.

LAYINKI MOOTOOLLA 16:4

Akaazi gaarrate aana, seekkinoonnitera dagate maganna magansi'nanni darguwaranna sinnaame haqqe baalate hunda kakkale, hixaanano giirino.

LAYINKI MOOTOOLLA 23:13

Yerusaalamete soojjaatoonni Battete Ilaalaati yinannihura wodiidoonni moote Selemooni seekkisiisinota tiyyi'nannita Sidoonootu magano Astaarooti, Moaabi magano Kamooshi, Amooni magano Molooki magansi'nanni gaarrano lageessino.

FAARSO 78:58

Gaaraho magansidhannowa hanqissinosi; seekkinoonni misillanni aarsitinosi.

FULO 23:24

Magannansa magansidhinoonte; qoltineno soqqantinoontensa; loosinsarano karsantinoonte. Magannansa co'o assitine hunne. Magansidhannota sooddiyyensano hiiqqaqqe.

ISAYAASI 36:7

Asoori gaadaanni lede coyi'ranni, ati Kaaliiqa Maganokki hexxoottota kultanni nootto. Kayinnilla, Yihudunna Yerusaalamete manni mitto darga calla magansi'ranno gede Maganoho kakkallanniwanna magansi'nanni darga baala diigoottohu Hiziqiyaasi ate di"ikkootto?

ERMIYAASI 17:2

Manni'ne jajjabba haqqe hunda, gaarratenna ilaallate aana kakkalote darga seekki're Asheera magansi'ranno.

ERMIYAASI 2:20

Kaaliiqi qole, «Ki'ne Israeele, kuneeti lowo yannanni kayissine, qambara'ne hiiqqidhine usura'neno tidhitinoonni; soqqamanna magansi'ra gibbinoonnie. Jajjabba ilaallaranna lowiddaanna haqqe hunda, wole maganna ledo foortinoonni.

ERMIYAASI 3:13

Ki'ne sao'ne calla ammanne; ane Magani'ne Kaaliiqira haxawarra'nera, wole manni gobba maganna kaphunnite ledo, jajjabba haqqe hunda foora'neranna, hajajo'ya agadha hooga'nera aagintaabbe. Konne coye coyi'roommohu ani Kaaliiqaati.

ERMIYAASI 3:2

Hanni hakka gaaru widira qolte lai; kaphu magannakki ledo fooroottakki dargi nooni? Mulqi'rara dubboho maaxame agaranno addi-fuli gede, atino doogote gama ofolte ellase agadhitanno mancho gede bunshekkinninna ammanama hoogakkinni baatto batteessootta.

ERMIYAASI 3:6

Iyosiyaasi moohe noo yannara Kaaliiqi anera, «Ammana xe'inoseti Israeele assiture afitto? Ise anewiinni baxxite seeddaanna ilaallanna lowiddaanna sinna batidhino haqqe baalate hunda marte foortino.

HOOSEI 4:13

Ilaallate aana kakka'litanno; tulluwate aana hixaana giirtanno. Jajjabbanna caaffaame haqqe danchu caali noote hundano, kunni gari kakkalo shiqishshanno. Kunninni kainohunni seenninsa baashaawanno; oosonsa seennino fooranno.

KIIRO 22:41

Layinki soodo guto Baalaaqi gamisa Israeelete manna la"anno gede Baleaami haa're Bamooti-Beaali yinanni gaara fushshisi.

MARRO 7:5

Kunnira, assa hasiissanno'neri kunninni aane nooho: Kakka'litanno darga diigge; magansidhanno sooddiyye hiiqqaqqe. Asheera yinanni magano mokkollo murmurre; misillaseno cancanne.

EJJEETTO 2:2

Ki'ne tenne gobba manni ledo gondooro e'inoonte; kakkalonsa dargano diigge› yoommo'ne. Ki'ne kayinni yoommore agurtine, wolere assitinoonni.