MARRO 12:18 - Qullaawa Maxaafa

¹⁸ Magani'ne Kaaliiqi doodhanno darga ki'ne, ooso'ne, soqqamaano'ne, katamma'nera heedhanno Leewaawooti ledo Magani'ne Kaaliiqi albaanni ittinanni. Anga'nenni loossinoonni loosi baalunkunni Magani'ne Kaaliiqi albaanni hagiidhitinanni.

MARRO 12:18 ပူးပေါင်းရင်းမြစ်များ

FAARSO 32:11

Keeraano! Kaaliiqinni tashshi yoo'nena, hagiidhe; wodana subbinoonniri baalu ilillisse.

FAARSO 68:3

Keeraanote kayinni tashshi yoonsa; Maganu albaanni hagiidhito; lowo geeshsha hisatte ilillisso.

LAWISHSHA 3:17

Heeshshokkira hagiirrenna keere wonshitanno.

ROSIISAANCHO 3:12

Kunnira, mannaho lubbotenni hee're dancha looso loosate ka'aanni hagiirsiisannosiri nookkita afoommo.

ROSIISAANCHO 5:18

Kuneeti ani afoommohu danchunna biifino coyi, mannu Maganu worinosi geeshsha kalqete hee're loosi'rinoha itanninna aganni hagiidhate.

ISAYAASI 12:3

Gatisaanchimmasi mannasi, buetenni hinkii'linanni wayi gede hagiirsiissanno» yitinanni faarsitinanni.

SOQQAMAASINETE LOOSO 16:34

Hakkunni gedensaanni Phaawuloosiranna Silaasira ittannore uyinsa. Usuru mini agaraanchi minisi manni ledo Magano amma'nino daafira hagiidhi.

SOQQAMAASINETE LOOSO 2:46

Barru barrunkunni Qullaawa Mine mitteenni gamba yitanno. Minensa sagale ittanni, hagiirrunninna hisatu wodaninni heedhanni,

UMI QORONTOOSI 10:31

Ittinanniha woy agginanniha ikkiro woy aye coyeno assitinanniha ikkiro baalankare Maganu ayirrinyira asse.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

MARRO 12:14

Shilqote kakkalo'ne, gosa'ne mereero mittowa, Kaaliiqi doodhannowa calla shiqishshe. Hakkiicho ani hajajeemmo'nere baala wonshitinanni.

MARRO 12:19

Tenne baatto aana heedhinoonni geeshsha Leewaawoota de'inoontensa.

MARRO 12:5

Kayinnilla, Magani'ne Kaaliiqi su'misi hee'rannowa ikkanno gede ga're'ne mereero doodhannowa martine magansidhesi.

MARRO 12:7

Hakkiicho Magani'ne Kaaliiqi albaanni ittinanni hagiidhitinanni. Magani'ne Kaaliiqi assidhinoonnihu baalunkunni maassi'ranno'ne daafira, ki'nenna mini'ne manni baalunku hagiidhitinanni.

MARRO 14:23

Aye yannarano Magano'ne Kaaliiqa ayirrisa rossinanni gede gidunniha, haaro woyinete xajjehanna zayite'neha tonnunni mitte anga, lalunniha, ge'reewunnihanna meunniha umo qalaminoha su'misi woshshamanno gede doodhanno dargira abbitine, Magani'ne Kaaliiqi albaanni ittenna agge.

MARRO 15:20

Hakkiicho isi doorino darga ki'nenna maate'ne diru dirunkunni Magani'ne Kaaliiqi albaanni gorritine ittinanni.

UMI SAAMUEELI 1:4

Hiliqaana Seelora ha're kakkalo shiqishanno yanna iillitanno woyite, galtesi Finaanara, seennunna labballi oososi baalate iillannonsaha maalu beehacho aannonsa.