MARRO 12:12 - Qullaawa Maxaafa

¹² Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 12:12 ပူးပေါင်းရင်းမြစ်များ

UMI MOOTOOLLA 8:66

Ayyaana ayirrinse ka'nihunni layinki barra, moote Selemooni manna qae qaesi ha'ranno gede assi. Mannuno Selemooni maassi're, Kaaliiqi soqqamaanchisi Daawitiranna mannisira Israeelete assinohura danchu coyi baalu daafira hagiidhanni mini minisira ha'ri.

LAYINKI DUDUWO 29:36

Hiziqiyaasinna mannu baalunku, konne coye rakke assitanno gede Maganu kaa'linonsa daafira lowo geeshsha hagiidhitu.

NEHIMIYA 8:9

Mannuno seera nabbambanna macciishshe wi'li. Kunnira, gobba gashshinohu Nehimiya seeru rosiisaanchi qeesichu Izira, Seeru Maxaafi tiro xawissanno Leewaawooti ledo mannaho, «Kuni barri Magani'ne Kaaliiqira Qullaawa barraati. Kunnira, dadillanna wi'la dihasiissanno'ne» yitu.

FAARSO 147:1

Kaaliiqa galatte! Maganinkera galatu faarso shiqisha danchate; iso galata tashshi assitannotenna hasiissannote.

LEEWAAWOOTA 23:40

Umi barra danchu haqqi laalo, saattu daronna shaqqadu haqqi sina haadhine, 7 barra Magani'ne Kaaliiqi albaanni hagiidhe.

KIIRO 18:20

Kaaliiqi Aaroonira, «Israeelete baatto aaninni iqqa diadhatto; insa ledo beeqqattori wolirino dinohe. Israeelete mereero atera qeechikkinna iqqikki aneeti.

KIIRO 18:26

«Leewaawootaho, ‹Iqqa asse eemmo'neha tonnunni mitto Israeeletewiinni adhitinanni woyite, ki'neno adhitinannihu giddonni tonnunni mitto fushshitine anera fushshaate assitine uuyye.

YOHAANNISI 13:8

Pheexiroosino, «Ati ane lekka horontanni dihayishshatto» yii. Yesuusi qole, «Ani hayishsha hoogummohero ane ledo xaadu dinohe» yiisi.

SOQQAMAASINETE LOOSO 8:21

Wodanikki Maganu albaanni suwashsho ikkinokki daafira, ati tenne kaayyo beeqqaasincho ikka didandaatto.

MARRO 10:9

Leewaawootaho roduuwinsa mereero beehachu woy baattote iqqi noonsakkihu kunniraati. Magani'ne Kaaliiqi kulinonsa garinni iqqinsa Kaaliiqaati.)

MARRO 12:18

Magani'ne Kaaliiqi doodhanno darga ki'ne, ooso'ne, soqqamaano'ne, katamma'nera heedhanno Leewaawooti ledo Magani'ne Kaaliiqi albaanni ittinanni. Anga'nenni loossinoonni loosi baalunkunni Magani'ne Kaaliiqi albaanni hagiidhitinanni.

MARRO 12:19

Tenne baatto aana heedhinoonni geeshsha Leewaawoota de'inoontensa.

MARRO 12:7

Hakkiicho Magani'ne Kaaliiqi albaanni ittinanni hagiidhitinanni. Magani'ne Kaaliiqi assidhinoonnihu baalunkunni maassi'ranno'ne daafira, ki'nenna mini'ne manni baalunku hagiidhitinanni.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 16:14

Ayyaani'nera ki'ne, ooso'ne, soqqamaano'ne, katamma'nera heedhanno Leewaawooti, manni gobba manni, annunna ama noonsakki oosonna gunnootu ledo hagiidhe.

MARRO 18:6

«Israeelete gobbara noo katamma giddonni mittu Leewaawichi Kaaliiqi doodhino dargira daate wodana hediro,

MARRO 26:11

Ki'nenna maate'ne, Leewaawootunna giddo'ne hee'rannohu manni gobba manni Magani'ne Kaaliiqi uyino'nehu danchu coyi baalunkunni ji'litinanni hagiidhe.

MARRO 26:12

«Sayikki sayikki diro, gidi'nenni tonnunni mitte anga baddine fushshitine katamma'nera noori Leewaawootu, manni gobba manni, anna ama afidhinokkirinna gunnootu ite duuwanno gede uuyyensa.

MARRO 27:7

Mittimmate kakkalo'neno hakkiichira shiqishshe. Ittinanni, Magani'ne Kaaliiqi albaanni hagiidhe.

IYYAASU 13:14

Muse Leewi ga'rera baattote beehacho diuyino. Uyinonsakkihu, Kaaliiqi Muse hajajinosi garinni Israeelete Magani Kaaliiqi shilqote kakkalora shiqinshannihu qeechansa ikkanno gede hexxo uyinonsa daafiraati.

IYYAASU 13:33

Muse Leewi ga'rera kayinni baattote qeecha difushshinonsa. Insa iqqi Israeelete Magano Kaaliiqa ikkinohura, qeechansa Kaaliiqira shiqinshanni kakkalonni afidhannota kulinonsa.