MARRO 12:11 - Qullaawa Maxaafa

¹¹ Hakkunni gedensaanni, Magani'ne Kaaliiqi su'misi galannowa ikkanno gede doodhanno darga, hajajeemmo'nere baalanka: Shilqote kakkalonna wole kakkalo, tonnunni mittonna baxxine uyitinanni afansha, hattono Kaaliiqira xa'nitinoonniha ayirrado coye baala hakkiira abbitinanni.

MARRO 12:11 ပူးပေါင်းရင်းမြစ်များ

UMI MOOTOOLLA 8:13

Xa kayinni ani atera, hegerera hee'rattoha ayirrado Qullaawa Mine minoommohe» yii.

UMI MOOTOOLLA 8:16

‹Manna'ya Gibitsetenni fushshummohunni kayise, su'ma'ya ayirrissinanniha Qullaawa Mine minnanniha Israeelete gobba giddonni mitto katamano didoodhoommo. Xa kayinni manna'ya gashshanno gede Daawiti doodhoommo› yaannoho» yii.

UMI MOOTOOLLA 8:29

‹Su'ma'ya woshshinanniwaati› yoottowa kunni Mini widira hashshanna barra lai. Ani soqqamaanchikki kunni Mini widira hige huucci'reemmo yanna baalantera huuccatto'ya macciishshie.

LAYINKI MOOTOOLLA 18:22

Kaaliiqa Magano'ne hexxitinannita anera kultinannie? Yihudunna Yerusaalamete manni mitto darga calla magansi'ranno gede Maganoho kakkallanniwanna magansi'nanni darga baala diigoottohu Hiziqiyaasi ate di"ikkootto?

UMI DUDUWO 22:1

Kunnira Daawiti, «Kaaliiqi Maganunnihu Qullaawu Mininna Israeelete manni shilqote kakkalo shiqishannohu kakkalote dargi kawiicho ikkona» yii.

LAYINKI DUDUWO 6:20

‹Su'ma'ya woshshinanniwaati› yoottowa kunni Qullaawu Mini widira barrano hashshano lai. Ani soqqamaanchikkino kunni Mini widira hige huucci'reemmo huuccatto macciishshie.

LAYINKI DUDUWO 7:12

Kaaliiqi hashsha isira leelle, «Huuccattokki macciishshoommo; konne Mineno kakkalo shiqinshannie gede doodhoommo.

IZIRA 6:12

Tenne hajajo diigate woy Yerusaalamete nooha Qullaawa Mine hunate hedanno moote woy manna baala hakkiicho magansi'nasira doodhino Magani hunosi. Ani Daariyoosi tenne hajajo seekkine wonshinanni gede hajajoommo» yitanno sokka soyi.

FAARSO 100:2

Hagiidhitinanni magansidhesi; albisira hagiirru faarsonni shiqqe.

FAARSO 116:17

Galatu kakkalo shiqisheemmohe; ateno magansi'reemmohe.

FAARSO 66:13

Shilqote kakkalo adhe minikkira e"eemmo; xano'yano abbe atera eemmo.

FAARSO 78:68

Kayinnilla Yihudu ga'renna, baxinoha Tsiyooni Ilaala doorino.

FULO 25:8

Ledonsa hee'reemmo gede qullaawa dukkana qassoena.

FULO 29:45

Israeelete manni mereero hee'reemmo; insarano Maganonsa ikkeemmo.

ERMIYAASI 7:12

Ani magansi'naera balaxe dooroommo dargira Seelora martine, manni'ya Israeele assitino bunshera hakkiicho assoommore la'e.

MARRO 12:13

Shilqote kakkalo hasidhini darga baalawa shiqishshinannikki gede qorophe.

MARRO 12:14

Shilqote kakkalo'ne, gosa'ne mereero mittowa, Kaaliiqi doodhannowa calla shiqishshe. Hakkiicho ani hajajeemmo'nere baala wonshitinanni.

MARRO 12:18

Magani'ne Kaaliiqi doodhanno darga ki'ne, ooso'ne, soqqamaano'ne, katamma'nera heedhanno Leewaawooti ledo Magani'ne Kaaliiqi albaanni ittinanni. Anga'nenni loossinoonni loosi baalunkunni Magani'ne Kaaliiqi albaanni hagiidhitinanni.

MARRO 12:21

Magani'ne Kaaliiqi magansidhinasira doodhino dargi ki'newiinni lowo geeshsha fafinoha ikkiro, hajajoommo'ne garinni Kaaliiqi uyino'ne lalo, ge'reewonna me"e gorridhine mine'ne hasidhini yannara ita dandiitinanni.

MARRO 12:26

«Ikkollana, qullaawanna xa'nitinoonni afansha baala haadhine Kaaliiqi doodhanno dargira abbe.

MARRO 12:5

Kayinnilla, Magani'ne Kaaliiqi su'misi hee'rannowa ikkanno gede ga're'ne mereero doodhannowa martine magansidhesi.

MARRO 14:23

Aye yannarano Magano'ne Kaaliiqa ayirrisa rossinanni gede gidunniha, haaro woyinete xajjehanna zayite'neha tonnunni mitte anga, lalunniha, ge'reewunnihanna meunniha umo qalaminoha su'misi woshshamanno gede doodhanno dargira abbitine, Magani'ne Kaaliiqi albaanni ittenna agge.

MARRO 15:19

«Lalu giddonni umo qalamino booto, ge'reewunna meu giddonni umo qalamino goco baala Magani'ne Kaaliiqira shiqishshe. Umo qalamino booto hawuudhitinoonte. Umo qalamino ge'rechi ordano haxxinoonte.

MARRO 15:20

Hakkiicho isi doorino darga ki'nenna maate'ne diru dirunkunni Magani'ne Kaaliiqi albaanni gorritine ittinanni.

MARRO 17:8

«Jajju annimma daafira woy mannimmate gawajjamara, woy anfannino ikko danotenni manna shinoonni coye coyi'ra moronsiissannota ikkitara dandiitanno. Hattoo coyi xaadanno'ne yannara, Magani'ne Kaaliiqi doodhanno dargira martine,

MARRO 18:6

«Israeelete gobbara noo katamma giddonni mittu Leewaawichi Kaaliiqi doodhino dargira daate wodana hediro,

MARRO 23:16

Baxisinosiwanna doodhino katamira giddo'ne hee'rona; ki'neno gadadissinoontesi.

MARRO 26:2

mitti mitti'ne Magani'ne Kaaliiqi aanno'ne baattonni gamba assidhinanni laalchi baalunkunni umiha haadhine gimboolaho worre. Hakkunni gedensaanni, Magani'ne Kaaliiqi magansi'nasira doodhanno dargira haadhine abbe.

MARRO 31:11

Israeelete manni baalunku magansi'nannisi gede Magani'ne Kaaliiqi doodhino dargira daanno woyite, konne Seera albansaanni qoonqo'ne naggi assitine nabbabbinanni.

IYYAASU 18:1

Qeele baatto amadihu gedensaanni, Israeelete manni baalu Seelo gamba yee, Magano magansi'nanni dukkana qasi.

IYYAASU 22:11

Gatinohu Israeelete manni, «Roobeeliti, Gaaditinna soojjaato nooti Minaase ga're Yordaanoosi Wayi mule Kana"aani baattora nootera ninke iqqira Geliilooti kakkalote darga seekkitino» yinanni duduwo macciishshi.

IYYAASU 22:16

Hakkiira iillite Kaaliiqi manni baalaho, «Konne kakkalote darga umi'nera seekki'ratenni Kaaliiqi aana busha assitinoonni; hoodesino dihadhinoonni; kunni garinni Israeelete Magani aana konne busha coye mayira assitini?

IYYAASU 22:23

Kaaliiqira hajajammeemmokkire ikkinummoronna seekkinoommowa kakkalote dargira shilqote kakkalo, gidu fushshaate, woy mittimmate kakkalo shiqishate hendoommoha ikkiro umisi Kaaliiqi qorichishonke.

IYYAASU 22:27

Ninke konne kakkalote darga seekkinoommohu, ninkenna ki'ne mereero malaate ikke hee'ranno gedeeti. Kunino ninkera gedensaanni dagganno ilama Qullaawu Dukkani albaanni Kaaliiqa magansi'neemmo gede shilqonnita, wole kakkalonna gatote ikkitannota mittimmate kakkalo shiqinshanni hee'rankera malaate ikkanno. Kunino ki'ne ilama ninketa, ‹Kaaliiqi ledo mayi xaadino dino'ne› yitannokki gede kaa'lanno.

IYYAASU 22:29

Ninke halaaleho, Kaaliiqi aana bunshe diassinoommo. Shilqote kakkalo woy gidu fushshaate, woy wole kakkalo shiqishate hende wole kakkalote darga seekkatenni Kaaliiqa magansi'ra diagurroommo. Iso magansi'nannihu Xaadu Dukkani albaanni uurrinohu Maganinke Kaaliiqira seekkinoonnihunni baxxinoha wole kakkalote darga diseekkinoommo» yite dawartu.

IYYAASU 9:27

Kayinnilla hatte yannara, haqqe hiiqqatenninna waa dirratenni Israeelete manniranna Maganu kakkalo dargira soqqamaano ikkitanno gede assinsa. Insa xaa geeshsha Kaaliiqi magansi'nasira doodhino darga, kunni garinni soqqantanni heedhanno.

UMI SAAMUEELI 1:21

Layinki diro Hiliqaananna minisi manni Kaaliiqira diru kakkalo kakkalaranna xano uyi'rara Seelora ha'ri yannara,