MARRO 12:10 - Qullaawa Maxaafa

¹⁰ Yordaanoosi fultinanni yannaranna Magani'ne Kaaliiqi iqqa asse aanno'ne baattora heedhinanni yannara, waajja nookkiha heedhinanni gede gaangaawi'nera noo diinna baalantenni fooliishshiishanno'ne.

MARRO 12:10 ပူးပေါင်းရင်းမြစ်များ

UMI MOOTOOLLA 4:25

Selemooni yannara Daaninni Bersaabehi geeshsha noohu Yihudunna Israeelete manni yaaddo nookkiha keere hee'rino. Baalunku umi uminsahura woyinennihuranna balasete haqqe caalira caa'lite fooliishshidhanni heedhino.

UMI MOOTOOLLA 8:56

«Coyi'rino garinni mannisira keere uyinohu Kaaliiqi galatamo. Soqqamaanchisi Muse widoonni qole uyinotenni dancha hexxo baalate giddonni mitto qaale nafa digatisino.

UMI DUDUWO 22:18

Insarano, «Magani'ne Kaaliiqi xaa geeshsha ki'ne ledo no; raga baalaho keere uyino'ne. Tenne gobbara heedhanno gosa baala qeele amadeemmo gede assinoe. Insano ki'nenna Kaaliiqi anga galtannore ikkitino.

FAARSO 4:8

Kaaliiqa, ati agarattoe daafira, keerunni goxe galeemmo.

FULO 33:14

Kaaliiqino, «Ani ledokki ha'reemmo; qeelleno eemmohe» yiisi.

LAWISHSHA 1:33

Ani yeemmare macciishshannohu kayinni, keere afi'ranno. Yaaddo nookkiha harshammi yee hee'ranno» yitanno.

ERMIYAASI 23:6

Isi moohanno waro, Yihudu keere hee'ranno; Israeeleno harshammi yitanno. Su'masino, ‹Kaaliiqi keeraanchimmankeeti› yinanni.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

ERMIYAASI 33:11

ani Kaaliiqi tenne baatto albi gede jironnita asseenna mannu Mini'yara galatu fushshaate haa're abbanni, hagiirrunninna qeexaalunni, adhatenna adhamate hagiirrira faarsinanni garinni, ‹Isi shaqqadoho; bagamannokkihu baxillisi hegerehona, Olantote Mooticha Kaaliiqa galatte› yaanni naggi yitino qoonqonni faarsanno» yii.

HIZIQEELI 28:26

Hakkiicho keere heedhanno; minnano mi'nitanno; woyineno kaasidhanno. Ajishshe la'annonsare ollaansa qorichisheemmo. Israeele kayinni yaaddo nookkiha hawaqidhe heedhanno. Hatte yannara, ani Kaaliiqi Maganonsa ikkoommota affanno» yii.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 34:28

Hakkunni gedensaanni, wole daga dimiiccannonsa; moyichu dibibbidannonsa; waajjishannonsari nookkiha keere heedhanno.

HIZIQEELI 38:11

Huxxanna cufana afidhinokki katammara keere heedhannota hattenne wolqiweelo gosa horrate hedatto.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

MARRO 11:31

Magani'ne Kaaliiqi aanno'ne baatto Yordaanoosi fultine ragidhine heedhinanni yannara,

MARRO 3:27

Ati Yordaanoosi fulattokki daafira, Fisiga Ilaali birxe fulte, galchimiranna aliyyera, wodiidiranna soojjaatira higge baatto illekki callatenni lai.

MARRO 33:12

Biiniyaami ga'rerano, «Kaaliiqi baxanno'ne; agaranno'ne. Barra wo'ma agaranno'ne; Kaaliiqi mereero'ne hee'ranno» yii.

MARRO 33:28

Kunni daafira, gordunni loju dirranno baattora, gidunna haaro woyinete xajje wo'mitinowa, hawaqi're keerunni Yaiqoobi sirchi callu hee'ranno.

MARRO 4:22

Ani tenne baattora reemmo; Yordaanoosi difuleemmo. Ki'ne kayinni fultine hattenne dancha baatto ragidhinaraati.

MARRO 9:1

«Israeelete manna, macciishshe! Gordo iillanno huxxi noonsare jajjabba katamma afidhinore, ki'nenni roore jawanna jawaata daga hooltine baattonsa amaddinara Yordaanoosi Waa tayissine fultinanni.

IYYAASU 11:23

Kaaliiqi Muse hajajino garinni, Iyyaasu baatto baala angasira qo'li. Mitte mittente ga'rera iqqa asse Israeelootu baalunkura beehi. Hakkunni gedensaanni olu uurreenna baatto fooliishshidhu.

IYYAASU 14:1

Kawiinni aante noo dhagge Yordaanoosi Wayira galchimaanni noota Kana"aani baatto Israeelete mannira assine beenkoonni gara kultannote. Mannaho baatto beekkinori, Qeesichu Aliaazaari, Newe beetti Iyyaasunna Israeelete sooreeyyeeti.

IYYAASU 3:17

Mannu baalunku moola baatto kaxxanni fulanno yannara, Kaaliiqiha Gondooru Taaboota dukkino qeesooti mannu baalu fule ka"a geeshsha Yordaanoosi Wayi giddo moola baatto aana uurrite no.

IYYAASU 4:12

Roobeelinna Gaadi ga're, qolteno Minaase ga're darati giddonni olamate qixxaawino manni Muse hajajinonsa garinni, mannaho alba ikkite fultu.

UMI SAAMUEELI 7:12

Hakkunni gedensaanni Saamueeli mitto kincho haa're Mitsiphanna Sheeni katamma mereero uurrise, «Xaa geeshsha Kaaliiqi kaa'linonke» yaanni, «Abeeniezeeri» yee su'ma fushshi.