MARRO 11:9 - Qullaawa Maxaafa

⁹ Hakkunni gedensaanni, Kaaliiqi annuwa'neranna sirchinsara aara xaarinotera, hattenne malawunna ado lolakkanno baattora seeda diro heedhinanni.

MARRO 11:9 ပူးပေါင်းရင်းမြစ်များ

FULO 20:12

«Magani'ne Kaaliiqi aanno'ne baatto aana diri'ne seedanno gede anna'nenna ama'ne ayirrisse.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

LAWISHSHA 10:27

Kaaliiqa waajja diro seedissanno; bushuullu kayinni yanni-male reyitanno.

LAWISHSHA 3:16

Egenno diro seedissanno; jironna ayirrinyeno leddanno.

LAWISHSHA 3:2

Rosiishshi'yanna hajajo'ya diro seedissannohe; qawaaxxaamono assitannohe.

LAWISHSHA 9:11

Dirikki anenni bati'ranno; heeshshokki dirino lexxanno.

HIZIQEELI 20:6

Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

MARRO 1:8

Kuneeti tenne baatto oommo'ne. Ani Kaaliiqi annuwa'nera Abirihaamira Yisihaaqiranna Yaiqoobira insa gedensaannino sirchinsara aammora xaaroommo gobba e'ine ragidhe› yiino» yiinsa.

MARRO 11:10

Martine ragidhinanni baatto agurtine fultini gobba Gibitsennite gede wixidhinoonni gidira waa hayikkisidhinanni daafurtinannikkitenna kaashshoho nafa qarrantinannikkite.

MARRO 11:21

Hatto assitiniro, Kaaliiqi annuwa'nera aara xaarino baattora ki'nenna ooso'ne baattote aleenni noo gordi hee'ranno geeshsha heedhinanni.

MARRO 4:40

Ki'neranna ki'ne gedensaanni ooso'nera seyanno'ne gede, Magani'ne Kaaliiqi hegerera aanno'ne baattora diri'ne seedanno gede, techo ani hajajeemmo'neta wogasinna seerasi agadhe» yii.

MARRO 5:16

« ‹Ani Maganikki Kaaliiqi eemmohe baatto aana diru seedannohe gedenna seyannohe gede, hajajoommohe garinni annakkinna amakki ayirrisi.

MARRO 5:33

Lubbotenni heedhinanni gede, seyanno'ne gedenna ragidhinanni baatto aana seeda diro heedhinanni gede, Kaaliiqi hajajino'nere baala wonshe.

MARRO 6:18

Seyanno'ne gedenna Kaaliiqi annuwa'nera xaare uyinonsa hexxonni shaqqado gobba martine ragidhinanni gede, Kaaliiqi albaanni suwashshonna dancha coye asse.

MARRO 6:2

Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

MARRO 6:3

Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.

MARRO 8:7

Magani'ne Kaaliiqi gaarratenni lolahanno xashshinna laggatenni fultanno bu'a noowa dancha baatto haa're massanno'ne.

MARRO 9:5

Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati.