MARRO 11:27 - Qullaawa Maxaafa

²⁷ Techo eemmo'neta Magani'ne Kaaliiqi hajajo wonshitiniro maasso afidhinanni.

MARRO 11:27 ပူးပေါင်းရင်းမြစ်များ

FAARSO 19:11

Seerikki ane soqqamaanchokki qorophisiisannoe; agadha'yannino lowo ba'raa'ra afi'reemmo.

ISAYAASI 1:19

Maahoyye yitine hajajantiniero, baatto uyitanno atoote ittinanni.

ISAYAASI 3:10

Keeraano dancha loosinsa laalcho ittanno daafira, «Baraadhinoonni» yiiyyensa.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

YOHAANNISI 13:17

Konne coye affinoonni; affinoonniha assitiniro maassantinanni.

ROOMU SOKKA 2:7

Dancha looso jaatte loosatenni galata, ayirrinyenna ba'annokki heeshsho hasidhannorira, Maganu hegere heeshsho aannonsa.

YAIQOOBI 1:25

Ikkollana wolassannoha guuta seera buuxe afe isinni kaajje hee'rannohu, macciishshe hawannoha ikkikkinni, loosu aana hosiisanno manchi loosisinni maassaminoho.

YOHAANNIS AJUUJA 22:14

Heeshshote haqqicho laalo itatenna waalchuwate widoonni hige katama ea dandiitanno gede, uddanonsa hayishshidhannori ba'raadhinoreeti.