MARRO 11:22 - Qullaawa Maxaafa

²² «Magano'ne Kaaliiqa baxxinanni gede, doogosi aana hadhinanni gedenna isi ledo mitto ikkitine heedhinanni gede oommo'neta tenne hajajo baalanta seekkitine agadhe.

MARRO 11:22 ပူးပေါင်းရင်းမြစ်များ

KALAQAMA 2:24

Kunnira, mannu annasinna amasi agure, galtesi ledo mitto ikkanno; lamunku mitto biso ikkitanno.

FAARSO 119:31

Kaaliiqa! Hajajokki gede ikkoommona, saalfateemmo gede assitootie.

MAATEWOOSI 22:37

Yesuusino, «‹Mooticha Maganokki wo'mu wodanikkinni, wo'ma lubbokkinni, wo'ma hedokkinni baxi!› yitannote.

SOQQAMAASINETE LOOSO 11:23

Isino mare Maganu mannaho uyino elto lae, lowo geeshsha hagiidhi. Baalunku wo'mu wodaninni kaajjite Mootichaho ammanante heedhanno gede kulinsa.

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 19:9

Magano'ne Kaaliiqa baxxinanni gedenna doogosi hadhinanni gede techo eemmo'neha konne seera baala seekkitine agadhitiniha ikkiro, kuri aana woloota 3 katamma lexxitinanni.

MARRO 30:20

Magano'ne Kaaliiqa baxxe; isira hajajamme; ammanantinoonnire ikke. Hatto assitiniro, annuwa'nera Abirihaamira, Yisihaaqiranna Yaiqoobira aansara xaarino baattora heeshsho eenna'ne ki'nenna sirchi'ne seeda diro heedhinanni» yii.

MARRO 6:17

Magani'ne Kaaliiqi uyino'ne hajajo, biddishshanna woga seekkitine agadhe.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.