MARRO 11:13 - Qullaawa Maxaafa

¹³ «Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 11:13 ပူးပေါင်းရင်းမြစ်များ

UMI MOOTOOLLA 3:3

Selemooni Kaaliiqa baxannoho; annisi Daawiti kulinosireno agadhino. Ikkollana kaphu magannara saada gorre gaarrate aana kakkalino; hixaanano giirino.

FAARSO 119:2

Hajajosi wonshitannorinna, wo'mu wodaninni iso hasidhannori baraadhinoreeti.

FAARSO 119:4

Kaaliiqa! Ati seera oottonke; xeinsummokkinni hajajammeemmo gedeno kuloottonke.

ERMIYAASI 17:24

« ‹Ani Kaaliiqi yoommota macciishshitinanniha ikkiro, Fooliishshote Barra mittoreno dukkine katamu waalchuwa widoonni higgine sa'inoonte. Fooliishshote Barra qullaawa asse ikkinnina hakko barra mittoreno loossinoonte.

HIZIQEELI 34:26

«Ani maassi'reemmonsa; Qullaawu Ilaali'ya gaangaawira hee'ranno gede asseemmonsa. Hasiisannonsa yannara ikkanno geeshshi xeena ee maassi'reemmonsa.

LEEWAAWOOTA 26:3

«Woga'ya garinni heedhiniro, hajajo'yano seekkitine agadhitiniro,

LEEWAAWOOTA 26:4

xeena yannatenni eemmo'ne; baatto gide fushshitanno'ne; haqqeno laalo uyitanno'ne.

MARRO 10:12

«Xaano Israeelete manna, Magani'ne Kaaliiqi ki'ne ayyirrissinannisi gede, doogosi baala hadhinanni gede, baxxinannisi gede, wo'mu wodani'nenninna wo'ma lubbo'nenni soqqantinannisi gede hasi'ranno.

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 11:22

«Magano'ne Kaaliiqa baxxinanni gede, doogosi aana hadhinanni gedenna isi ledo mitto ikkitine heedhinanni gede oommo'neta tenne hajajo baalanta seekkitine agadhe.

MARRO 11:8

«Techo ani eemmo'ne hajajo baala agadhitiniro, Yordaanoosi tayissine fulatenna baatto ragi'rate wolqa afidhinanni.

MARRO 28:1

«Magani'ne Kaaliiqira wo'mu wodaninni hajajantinironna ani techo eemmo'ne hajajo baalanta seekkitine agadhitiniro, Magani'ne Kaaliiqi baattote aana heedhanno gosa baalantenni roorsanno'ne.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.

MARRO 6:17

Magani'ne Kaaliiqi uyino'ne hajajo, biddishshanna woga seekkitine agadhe.

MARRO 7:12

«Konne seera macciishshitinironna seekkitine agadhitiniro, Magani'ne Kaaliiqi annuwa'nera xaari xaaro garinni xaano gondoorosinna bagamannokki baxillesi disoorranno.