MARRO 10:9 - Qullaawa Maxaafa

⁹ Leewaawootaho roduuwinsa mereero beehachu woy baattote iqqi noonsakkihu kunniraati. Magani'ne Kaaliiqi kulinonsa garinni iqqinsa Kaaliiqaati.)

MARRO 10:9 ပူးပေါင်းရင်းမြစ်များ

HIZIQEELI 44:28

«Ani Israeelete mannira beettunni beettoho sa'anno baatto beehanni, qeesootaho oommo iqqi qeesimmate soqqansho callate. Insara Israeelete mereero baattote iqqi dihasiisannonsa; ani umi'ya insara iqqansaati.

KIIRO 26:62

Mittu aganirenna hakkuyi alire labballo Leewaawoota kiirreenna 23,000 ikkitino. Wolootu gede iqqa adhitinokki daafira insa bande addinni kiirroonni.

SOQQAMAASINETE LOOSO 8:21

Wodanikki Maganu albaanni suwashsho ikkinokki daafira, ati tenne kaayyo beeqqaasincho ikka didandaatto.

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 14:27

Uminsa qeechi noonsakki daafira, katamma'nera heedhanno Leewaawoota towattensa.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

IYYAASU 14:3

Yordaanoosi Wayira soojjaatoonni noo baatto kayinni, Muse 2 ga'reranna mitte ga're daratira balaxe beehinonsa. Yooseefi ilama Minaasenna Efireemi yine lamewa beenkoonni. Muse Leewaawootaho baattote beehacho di"iillishinonsa. Ikkollana, konne darga heedhanno katammanna saada hosiisidhanno baatto adhitino.