MARRO 10:8 - Qullaawa Maxaafa

⁸ Hatte yannara, Kaaliiqi Gondooru Taaboota dukkanno gede, soqqantasira albasiinni uurritanno gedenna mannu maassamanno gede huuccitara Kaaliiqi Leewi ga're doorino. Techo geeshsha Leewi ilamati soqqanshonsa tenneeti.

MARRO 10:8 ပူးပေါင်းရင်းမြစ်များ

UMI MOOTOOLLA 8:6

Qeesootuno Gondooru Taaboota dukke Qullaawu Minira eessite, Qullaawa Holge kirubeeli qoolira woroonni seekkinoonni darga wortu.

UMI DUDUWO 15:2

Hakkunni gedensaanni Daawiti, «Kaaliiqi hegere geeshsha isira soqqantannonna Gondooru Taaboota dukkanno gede Leewaawoota doorino daafira, Taaboota insa calluwu dukkanno» yii.

UMI DUDUWO 15:26

Gondooru Taaboota dukkanno Leewaawoota Kaaliiqi kaa'lannonsa gede 7 woraammanna 7 ge'reewu gocca kakkaltu.

UMI DUDUWO 23:13

Qehaatihu bayiru beetti Amiraami Aarooninna Muse annaati. Aarooniranna sirchisira geedote geeshsha Qullaawu Mini uduunne keereensitanno gede, Kaaliiqira kakkalo shiqishshanno gede, soqqantannosi gedenna hegere geeshsha isi su'minni manna maassidhanno gede bandoonninsa.

UMI DUDUWO 23:26

Kunni ka'a Kaaliiqa magansi'nanni dukkananna magansi'rate seerira ikkanno uduunne Leewaawootu duha dihasiissannonsa» yii.

LAYINKI DUDUWO 29:11

Ooso'ya! Albasiinni uurritine soqqantinasira, soqqamaanosi ikkitinaranna hixaana giirtinasira Kaaliiqi doodhino'nena lashshi assitinoonte» yii.

LAYINKI DUDUWO 30:27

Qeesootunna Leewaawootu uurrite mannaho maasso dirritanno gede Magano huuccitu. Maganuno huuccattonsa iilliteenna gordoho qullaawu dargisira hee're macciishshinsa.

FAARSO 134:1

Ki'ne soqqamaanosi, hashsha Qullaawa Mine soqqantinanniri baalu, amme Kaaliiqa galatte!

FAARSO 134:2

Qullaawa Mine anga'ne huuccattote kayissine Kaaliiqa galatte.

FAARSO 135:2

Maganinke Kaaliiqihura Qullaawu Mini giddo uurritinanniri baalu galattesi.

ERMIYAASI 15:19

Kaaliiqi, «Anewa higittoro gatiseemmohe; galagalte anera soqqamatto. Haafare coyi'ra agurte, sirnya coyi'rattoha ikkiro, galagalte himanaancho'ya ikkatto. Mannulla atewa daannona, ati insawa diha'ratto.

HIZIQEELI 44:11

Annimma adhite waalchuwa agaratanni, Qullaawu Mini'ya giddo soqqamate dandiitanno. Saada shilqote kakkalora gorritanni, magansi'rate daanno mannano kaa'la dandiitanno.

HIZIQEELI 44:15

Mootichu Kaaliiqi, «Wolu Israeelete manni ane giwe albi'yanni fafita, Qullaawa Mine ammanamatenni anera soqqantanni heedhinorinna Leewi ga'renni Saadooqi ilama ikkitino qeesooti no. Insa kakkalote coomanna mundee shiqishatenni alba'yaanni uurrite soqqantaera dandiitanno.

LEEWAAWOOTA 8:9

Kaaliiqi hajajinosinte gede, Muse Aarooni Kaaliiqira aamaminoha ikkasi egensiisannoha culku irra aanaho worroonniha xaanxoonni koffiya umoho worisi.

LEEWAAWOOTA 9:22

Aarooni tenne kakkalo baala shiqishe, angasi mannu aana diriirse maassi'rihu gedensaanni, kakkallanni darginni dirri.

KIIRO 3:31

Insa Taaboota, xarapheezza, caabbicho worranni uduunnicho, kakkalote uduunne, Qullaawu Dukkani uduunne baala, Qullaawu Holgi waalchi dukkonna ledo noo uduunne baala agartanno.

KIIRO 3:6

«Aarooni kaa'litanno gede Leewi ga're abbite albasiinni uurrisi.

KIIRO 4:15

«Aarooninna oososi Qullaawa Dukkananna uduunne baalanka xaaxxeenna, Qehaati ilama dagge dukkona. Mannuno hakkunni gedensaanni ha'rona. Reyitannona qullaawa uduunnella kisidhoonke. Qullaawu Dukkani giddo noore baala Qehaati ilama dukkanno.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

SOQQAMAASINETE LOOSO 13:2

Insa Maganoho soqqantanni, ita aga agurte heedheenna Qullaawu Ayyaani, «Ani doodhoommo loosira Barnabaasinna Saawuli badde"e!» yiinsa.

ROOMU SOKKA 1:1

Tini sokka, Maganunniha Dancha Duduwo kulate bandoonnihu Soqqamaasincho ikkara woshshaminohu Kiristoosi Yesuusi borojjichi Phaawuloosi soyinote.

ROOMU SOKKA 12:7

Aamamisi woleho soqqama ikkituro, jaate soqqamona; rosiisa ikkituro, jaate rosiisona.

LAYINKI QORONTOOSI 6:17

Kunnira Mootichu, «Giddonsanni fultine, baxxitinoonnire ikke. Batte ikkinoricho kissinoonte; anino haa'reemmo'ne.

GALATIYU SOKKA 1:15

Ikkollana, Maganu ilamammora albaanni doorinoe; eltosinnino woshshinoe.

MARRO 17:12

Magani'ne Kaaliiqi albaanni hakkiicho soqqanshote uurrannoha qeesicha woy daanya mishannoha shinona. Kunni garinni Israeelete manni mereerinni busha hunne.

MARRO 18:5

Kaaliiqi su'minni uurrite hegerera qeesesi ikkite heedhanno gede, Magani'ne Kaaliiqi ga're'ne baalante giddonni Leewi ga're doodhino.

MARRO 21:3

Hakkunni gedensaanni, reeshshu uwino dargira roore gamba yiino katami geerri hawuurshaho iillitinokkitanna qambara haxote worroonnikki adde haa're,

MARRO 21:5

Soqqantanno gedenna mannaho Kaaliiqi maasso huuccitanno gede, yekkeeramatenna gawajjo baalate daafira yoo yitanno gede Magani'ne Kaaliiqi doorinonsana, qeesootu Leewi ooso alba higge shiqqona.

MARRO 31:9

Museno konne Seera borreesse, Kaaliiqiha Gondooru Taaboota dukkannorira Leewaawootu qeesootiranna Israeelete manni geerri baalunkura uyi.