MARRO 10:21 - Qullaawa Maxaafa

²¹ Konne ille'nenni la'iniha jawanna waajjishanno coye assino'nehu Magani'ne isootina galattesi.

MARRO 10:21 ပူးပေါင်းရင်းမြစ်များ

LAYINKI SAAMUEELI 7:23

Ateta assidhe Gibitsete borojjimmanni gatisse fushshoottoti Israeelete gedee gosa mama no? Wole daga shorrite dhaggenna maalale assite mannikki hee'ranno gede baattonsanni magannansa baala guddeenna su'mikki ayirrinsanniha ikkino.

FAARSO 109:1

Magano'ya! Galaxxeemmohe; macciishshite sammi yitootie.

FAARSO 145:6

Mannikkino, jajjabbu loosikkire hasaawanno; anino lowimmakki kuleemmo.

FAARSO 148:14

Isi fiixa ikkitinori, lowo geeshsha baxannonsari Israeelete gosa, jawaata manna assinonsari iso galatto. Kaaliiqi galatamo!

FAARSO 22:3

Ati kayinni Qullaawaho; Israeelete manni galatannoheho.

FULO 15:2

Kaaliiqa faarseemmohu wolqa'ya ikkinohuraati; diini'ya anganni gatisinoehuno isooti. Isi Magano'yaatina galaxxeemmosi; anni'ya Maganootina, ayirrisi'reemmosi.

FULO 34:10

Kaaliiqi Musera, «Kuneeti ani ki'ne ledo gondooro e"eemmo; manni'ne baalu albaanni, baattote aana noo manni mereero anfe egenninoonnikki maalale asseemmo; ani mulekki asseemmo coyi waajjishannohona, kuni ledo nootto mannino dhagge'ya la"anno.

ISAYAASI 60:19

«Kunni ka'a barrira arrishsho, hashshira aganu dihasiisannohe. Ani Kaaliiqi hegere xawaabba ikkeemmohe; ayirrinyi'yano ate aana xawanno.

ISAYAASI 64:3

Kunni albaanni dagge ninke hendoommokkiha, waajjishanno coye assitto waro, ilaalla ate affe waajjite huxidhino.

ERMIYAASI 17:14

Kaaliiqa! Hureemmona, hursie; galaxxeemmohu ate ikkootto daafira, keere hee'reemmo gede, gatisie.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

IYYAASU 24:18

Ninke tenne baatto dangammora alba hinge qaanfummo deerrinni, hakko noore Amooraawoota baala albinkenni fushshe shorrino. Kunnira, Maganonke ikkinoha Kaaliiqa magansi'neemmo» yee dawari.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

UMI SAAMUEELI 12:24

Ki'ne Kaaliiqalla waajje; co'o yiino wodaninni ammanamatenni soqqammesi. Assino'ne dhagge baala habbinoonte.