MARRO 10:20 - Qullaawa Maxaafa

²⁰ Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 10:20 ပူးပေါင်းရင်းမြစ်များ

LAYINKI MOOTOOLLA 18:6

Hiziqiyaasi Kaaliiqira ammanamino daafira, isi doogonni wirri yee diegennino; Kaaliiqi Muse widoonni qole uyino hajajo agadhino.

FAARSO 63:11

Moote kayinni, Maganu assinore lae hagiidhanno; Maganu su'minni hexxo uyitannori, iso galattanno; kapho coyi'ranno afii kayinni beewanno.

FULO 20:7

«Ane Magani'ne Kaaliiqi su'ma doogimale kayissinoonte; doogimale su'ma'ya kayisannohu dikeeraawanno.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

ISAYAASI 45:23

Umi'yanni xaare soorrantannokkita halaalu hexxo eemmo; kunnira guluchu baalu anera guluphanno; arrawu baaluno ane su'minni xaaranno.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

MAATEWOOSI 4:10

Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.

LUQAASI 4:8

Yesuusino, «‹Mootichu Maganikkira calla kumbuuli! Iso calla magansi'ri› yine borreessinoonni» yiisi.

SOQQAMAASINETE LOOSO 11:23

Isino mare Maganu mannaho uyino elto lae, lowo geeshsha hagiidhi. Baalunku wo'mu wodaninni kaajjite Mootichaho ammanante heedhanno gede kulinsa.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

MARRO 11:22

«Magano'ne Kaaliiqa baxxinanni gede, doogosi aana hadhinanni gedenna isi ledo mitto ikkitine heedhinanni gede oommo'neta tenne hajajo baalanta seekkitine agadhe.

MARRO 13:4

Magani'ne Kaaliiqi hoode hadhe. Ayirrissesi; hajajosino agadhe. Hajajammesi; soqqammesi. Isi ledo mitto ikke.

MARRO 30:20

Magano'ne Kaaliiqa baxxe; isira hajajamme; ammanantinoonnire ikke. Hatto assitiniro, annuwa'nera Abirihaamira, Yisihaaqiranna Yaiqoobira aansara xaarino baattora heeshsho eenna'ne ki'nenna sirchi'ne seeda diro heedhinanni» yii.

MARRO 4:4

Magani'ne Kaaliiqira ammanantinoonniri ki'ne wo'munku kayinni, kuneeti techo geeshsha lubbotenni heedhinoonni.

MARRO 5:11

« ‹Ani Kaaliiqi, su'ma'ya kaphunni kayisannoha qorichishummokkinni diagureemmona, ane Maganikki Kaaliiqi su'ma kaphunni kayissooti.

MARRO 5:29

Wo'manka woyite hattoo wodani he'roommensaro, ayirrissoomme"eronna hajajo'ya baala wonshitoommero, insaranna sirchinsara geedote geeshsha wo'munku coyi qinaannonsahu baino.

MARRO 6:13

«Magano'ne Kaaliiqa ayirrisse; isi callaho soqqamme. Isi su'mi callunni xaarre.

IYYAASU 23:7

Hakkunni gedensaanni, giddo'ne noo daga ledo horonta namoontinoonte; magannansa su'mano woshshitinoonte. Su'minsanni xaartinoonte; insara soqqantinoonte; kumbuultinoontensa.

IYYAASU 23:8

Hakkawarinni xaa geeshsha assitinoonninte gede Magani'ne Kaaliiqira ammanantine heedhe.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.