MARRO 10:18 - Qullaawa Maxaafa

¹⁸ Isi annanna ama afidhinokkiriranna gunnootaho coyi'rannonsa. Manninke ledo hee'rannoha manni gobba mannano sagalenna imaana aanni towatannonsa.

MARRO 10:18 ပူးပေါင်းရင်းမြစ်များ

LAYINKI DUDUWO 19:7

Halaale dawisa, mallaadanna gubbo ita Maganinke Kaaliiqi baxannokki daafira, taalo yoo yiiyye! Maganono waajje!» yiinsa.

FAARSO 10:18

baattote aana hee'rannohu ayino wole waajjishiishannokki gede, annanna ama afidhinokkiriranna qarraataammaho golamattonsa.

FAARSO 103:6

Kaaliiqi kadantinorira halaale coyi'ranno; maaxamino halaale fushshanno.

FAARSO 145:9

Isi mannu baalunkura shaqqadoho; kalaqama baala mararanno.

FAARSO 146:9

Kaaliiqi gobbansanni xiiwante fultinore agaranno; gunnootanna buxo kaa'lanno; bushuullu kayinni ba'anno.

FAARSO 68:5

Maganu qullaawu dargisira hee're, buxoho annaho; gunnootaho malannoho.

FAARSO 68:6

Maganu callattinorira mine aannonsa; usurantinore tire hagiirsiisannonsa. haxawarrootu kayinni moola gobbara heedhanno.

FULO 22:20

«Ane Kaaliiqi ka'a wolu maganira kakkalannohu lubbotenni hee'roonke.

FULO 22:21

Ki'ne umi'ne Gibitsete gobbara heedhinoonni yannara, manni gobba manna ikkitine heedhinoonni daafira, manni gobba manna okkitinoonte.

FULO 22:22

Gunnootanna buxo gadadissinoonte.

FULO 22:23

Qarrissineennansa anewa higge raarturo, ani raarensa macciishshe kaa'leemmonsa;

ISAYAASI 1:17

Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ERMIYAASI 49:11

Giddo'ne noore annanna ama afidhinokki ooso anera agurre; galte afi'rinokki meentino ane hexxona.

HOOSEI 14:3

Kaaliiqa! Annanna ama shiidhino buxi atenni maaro afidhanno. Asoori digatisannonke; olu faradono diaddaxxineemmo. Kunni ka'a angankenni seekki'noommota kaphu maganna, ‹Magannankeeti› yine diwoshshi'neemmo» yitine aagintaabbe.

LEEWAAWOOTA 25:35

«‹Fiixi'ne giddonni mittu buxe tidha hoogiro, giddo'ne hee'rannoha manni gobba manna woy wosincho kaa'litinanninte gede isono ledo'ne hee'ranno gede kaa'lesi.

KIIRO 10:32

Ledonke ha'rittoro Kaaliiqi aannonke atoote beeqqattona» yiisi.

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

SOQQAMAASINETE LOOSO 14:17

Ikkollana shaqqado Magano ikkasi leellishannoha dancha looso loosa diagurino. Gordunni xeena soyanno'ne; gideno yannatenni aanno'ne; sagaletenninna hagiirrunni wodana kassi assanno'ne» yitu.

MARRO 27:19

«Manni gobba manniha, annunna ama noonsakkirihanna gunnootu halaale beeshshannohu rumaminoha ikko. Mannu baalunku, ‹Eewanni ikko!› yoo.