MARRO 10:17 - Qullaawa Maxaafa

¹⁷ Magani'ne Kaaliiqi magannate Maganooti; mootoollate Mootichaati. Jawa Maganooti; wolqaataamohonna waajjishannoho. Godowa dihosannoho; gubbono di"itannoho.

MARRO 10:17 ပူးပေါင်းရင်းမြစ်များ

LAYINKI DUDUWO 19:7

Halaale dawisa, mallaadanna gubbo ita Maganinke Kaaliiqi baxannokki daafira, taalo yoo yiiyye! Maganono waajje!» yiinsa.

NEHIMIYA 1:5

«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

NEHIMIYA 4:14

Mannu yaadinota afoommohura, insanna albisootansa, woloota roorroota baala, «Diinanke waajjitinoonte; lowo geeshsha jawunna waajjishanno Magani noonketa qaagginanni, fiixi'ne, ooso'ne, meenti'ne, mini'nenna jajji'ne daafira olamme» yuummonsa.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

IYYOOBI 34:19

Baalanka kalaqinohu Magano ikkinohura, isi gashshaanote alba lae godowa dihosanno; dureessa buxichunni roorse dila"anno.

FAARSO 99:3

Wo'munku lowohanna ayirrado su'masi galato; isi qullaawaho.

FULO 23:8

Yoo yaanno manchira ille ballisse, keeraanchu qarramanno gede assitannona gubbo ittooti.

ISAYAASI 37:16

«Olantote Mooticha Israeelete Magano, kirubeelira iimaanni ofolloottohu ateetilla. Gobba baalate gashshootira gashshaanninna Maganu ate callaati. Gordonna baatto kalaqoottohu ateeti.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 20:11

Kaaliiqi kayinni bareedu olamaanchi gede ikke ane ledo no; kunnira shorritannoeri sarraaqante ubbanno; ubbeno shollitanno; shollinyinsano kullanna hee'ranno.

ERMIYAASI 32:18

Bagamannokkiha baxillekki lowo kumi mannira leellishootto. Ikkollana, annuwa loossino cubbira oosonsa qorichishatto. Ati jawahonna wolqaataamo Maganooti; ati Olantote Mooticha Kaaliiqaati.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 2:45

Mannu anga kissukkinni ilaalu aaninni gongo'me dirre siwiilunni, camotenni, dorunni, birrunninna culkunni seekkinoonni misile cancani kinchi hakko gashshooteeti. Kunni garinni jawu Magani albillittete ikkara noore baala leellishinohe. Kune haaqeekki halaaleho; tiroseno garaho» yee dawari.

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

MAARQOOSI 12:14

Insano marte, «Rosiisaancho, ati halaalaancho ikkoottota egenninoommo; manna waajjitenna woleho golante assatto coyi dino. Maganu doogo halaalunni rosiisattoho. Maahoyyena, jawaho Roomu mootera Qeesaarira giwire baata seerahonso seerimalete? Uyinonso agurro?» yite xa'mitusi.

SOQQAMAASINETE LOOSO 10:34

Pheexiroosino, «Halaalinta Maganu manna mallaadannokkita xa buuxoommo.

ROOMU SOKKA 2:11

Hakku ikkannohuno, Maganu mannaho godowa hosannokkiha ikkino daafiraati.

GALATIYU SOKKA 2:6

Maganu mannu alba lae golamannoha ikkinokki daafira, insanaa albisootu gede assite kiirtannori daafira haja dinoe. Kuni manni ani kuleemmo sokka aana ledinori dino.

EFESOONI SOKKA 6:9

Ki'ne mootoolleno, borojji'nera hatto assensa. Mannu alba lae godowa hosannokkihu insanna ki'ne Mootichi iima gordoho noota qaagginanni hatto asse.

MARRO 1:17

Yoo dawissinoonte; lowohano shiimano taashshitine la'e. Yoo Maganunnita ikkitinohura, ayeno waajjitinoonte. Wolqa'nera aleenni ikkinoha baalanka ani laeemmona, anewa abbe› yoommo.

MARRO 16:19

Yoo shokkishshinoonte; godowa hossinoonte. Gubbo egennaammu ille ballisse, halaalaanote qaale shokkishshannona gubbo ittinoonte.

MARRO 24:17

«Manni gobba mannira woy annu nookki oosora halaale beeshshitinoonte. Gunnittete imaana amadote adhitinoonte.

MARRO 27:25

«Keeraancho mancho shaara gubbo adhanno manchi rumaminoha ikko. Mannu baalunku, ‹Eewanni ikko!› yoo.

MARRO 7:21

Mereero'ne noohu Magani'ne Kaaliiqi jawanna waajjishanno Magano ikkino daafira insa waajjitinoonte.

QOLASIYAASI SOKKA 3:25

Maganu yoo dassannokki daafira, busha assannohuno loososi mixxanno.

UMI XIMOOTEWOOSI 6:15

Kiristoositi layinkimeeshshi daa, maassaminohunna callichisi gashshaanna ikkinohu mootoollate Moote, mootoollete Mootichi yiino barra ikkitanno.

IYYAASU 22:22

«Wo'manka roorannohu wolqaataamu Kaaliiqaati! Isi baalunku Mootichaati! Isi baalanka roore wolqaataamo Maganooti! Ninke konne mayira assinoommoro isi afino! Ki'neno mayira assinoommoro affinara hasi'neemmo; halaalinta bunshoommoronna Kaaliiqira noonke amma'na xeinsoommoro, marartinoontenke.

UMI PHEEXIROOSI 1:17

Ayerano godowa hosikkinni mittu mittunkura loosisi garinni yoo yaanno Magano, «Annanke» yitine woshshidhinanniha ikkiro, tenne gobbara wosinchimma heedhinoonni yannara, iso waajjitinanni heedhe.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.