MARRO 10:12 - Qullaawa Maxaafa

¹² «Xaano Israeelete manna, Magani'ne Kaaliiqi ki'ne ayyirrissinannisi gede, doogosi baala hadhinanni gede, baxxinannisi gede, wo'mu wodani'nenninna wo'ma lubbo'nenni soqqantinannisi gede hasi'ranno.

MARRO 10:12 ပူးပေါင်းရင်းမြစ်များ

UMI MOOTOOLLA 3:3

Selemooni Kaaliiqa baxannoho; annisi Daawiti kulinosireno agadhino. Ikkollana kaphu magannara saada gorre gaarrate aana kakkalino; hixaanano giirino.

LAYINKI MOOTOOLLA 10:31

Iyu kayinni Israeelete Magani Kaaliiqi Seera wo'mu wodaninni agadha agure, Israeele cubbu giddora eessinohu Iyorbiaami loosino gedee bunshe loosino.

LAYINKI MOOTOOLLA 18:3

Isi albi annisi Daawiti gede Kaaliiqi baxanno coye assino.

LAYINKI MOOTOOLLA 18:6

Hiziqiyaasi Kaaliiqira ammanamino daafira, isi doogonni wirri yee diegennino; Kaaliiqi Muse widoonni qole uyino hajajo agadhino.

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

LAYINKI DUDUWO 15:12

Akaakkansa Magano Kaaliiqa wo'mu wodaninninna wo'ma lubbonni magansi'rate gondooro e'u.

IYYOOBI 36:11

Maganu yiinota macciishshituronna soqqantusiro, gatino dironsa keerunninna jirotenni heedhanno.

FAARSO 119:2

Hajajosi wonshitannorinna, wo'mu wodaninni iso hasidhannori baraadhinoreeti.

FAARSO 128:1

Kaaliiqa ayirrissannorinna hajajosi agadhitannori, ba'raadhinoreeti.

FAARSO 145:20

Baxxannosire baala agarannonsa; bushuulle kayinni hunanno.

FAARSO 18:1

Kaaliiqa, ati wolqa'yaatina baxeemmohe.

FAARSO 34:9

Waajjitannosiri mittoreno dihooggannona, mannisi baalu Kaaliiqa waajje!

FAARSO 81:13

Manni'ya macciishshoommero, Israeeleno doogo'ya ha'runsitoommero,

FAARSO 81:14

diinansa rahotenni beeshsheemmohu baino; baarigaarransa qeelantanno gede asseemmohu baino.

FULO 23:25

Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

HIZIQEELI 11:20

Hatte yannara Seera'ya wonshitinanni; hajajo'ya baalanta ayirrissinanni. Ki'ne manna'ya ikkitinanni; anino Magano'ne ikkeemmo.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

SOFFOONIYAASI 3:9

«Hatte yannara, ane magansidhanno gede dagate hedo soorreemmo; insano wole maganna agurte ane calla magansidhanno; baalunku mitteenni anera soqqantanno.

MAATEWOOSI 22:37

Yesuusino, «‹Mooticha Maganokki wo'mu wodanikkinni, wo'ma lubbokkinni, wo'ma hedokkinni baxi!› yitannote.

LUQAASI 10:27

Manchu daware, «‹Mooticha Maganokki wo'mu wodanikkinni, wo'ma lubbokkinni, wo'ma wolqakkinni wo'ma hedokkinni baxisi. Elokki umikki gede assite baxi› yaanno» yii.

LUQAASI 11:42

«Ki'ne Farisootaho aanne'e! Afuduudu, sunkurtunna shaanu giddonni tonnunni mitte anga uyitinanni; wole widoonni kayinni Maganu baxillenna halaale agurtinoonni. Hakkoreno agurtinikkinni konne coyeno agara hasiissanno'ne.

SOQQAMAASINETE LOOSO 9:31

Yihudaho, Galiilahonna Samaariyaho noo beetekiristaane keere afidhe hagiidhitu. Magano waajjatenninna Qullaawu Ayyaaninni jawaatte hala'litu.

ROOMU SOKKA 1:9

Wo'manka woyite huuccatto'yanni qaageemmo'netera, Beettisiha Dancha Duduwo kulanni wo'mu wodani'yanni soqqameemmosi Magani naqaashshe'yaati.

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

MARRO 10:11

Hakkunni gedensaanni Kaaliiqi, ‹Annuwane'ra aara xaarino gobba iillitinanni gede albisammo'nera soyinoe› yii.

MARRO 10:13

Seyanno'ne gede techo ani eemmo'ne hajajonna woga baalanta agadha hasiissanno'ne.

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 26:16

«Magani'ne Kaaliiqi tenne woganna seera agadhitinanni gede techo hajajinonke. Ki'neno wo'mu wodani'nenninna wo'ma lubbo'nenni wonshate seekkitine agadhe.

MARRO 27:10

Kunnira, Magani'ne Kaaliiqira hajajamme; techo eemmo'neta hajajosinna seerasino agadhe» yiinsa.

MARRO 30:16

Techo ani eemmo'neta Magani'ne Kaaliiqi hajajo iso baxatenni, doogosi ha'ratenni seerasi baala, wogasinna wodhosi wonshitiniro, lubbotenni heedhinanni. Batidhinanni; Magani'ne Kaaliiqino martine ragidhinanni baattora maassi'ranno'ne.

MARRO 30:20

Magano'ne Kaaliiqa baxxe; isira hajajamme; ammanantinoonnire ikke. Hatto assitiniro, annuwa'nera Abirihaamira, Yisihaaqiranna Yaiqoobira aansara xaarino baattora heeshsho eenna'ne ki'nenna sirchi'ne seeda diro heedhinanni» yii.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.

MARRO 5:29

Wo'manka woyite hattoo wodani he'roommensaro, ayirrissoomme"eronna hajajo'ya baala wonshitoommero, insaranna sirchinsara geedote geeshsha wo'munku coyi qinaannonsahu baino.

MARRO 5:33

Lubbotenni heedhinanni gede, seyanno'ne gedenna ragidhinanni baatto aana seeda diro heedhinanni gede, Kaaliiqi hajajino'nere baala wonshe.

MARRO 6:13

«Magano'ne Kaaliiqa ayirrisse; isi callaho soqqamme. Isi su'mi callunni xaarre.

MARRO 6:2

Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

MARRO 6:24

Techonte gede aye yannarano seyannonke gedenna lubbotenni hee'neemmo gede, tenne woga baalanta wonshinammoranna ayirrinsammosira Maganinke Kaaliiqi hajajinonke.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

UMI XIMOOTEWOOSI 1:5

Tenne hajajo gawalo keeraanchu wodaninni, danchu tii"inni, halaalaancho ammananni afi'nanni baxilleeti.

IBIRAAWOOTA 12:28

Kunnira, ninke shafamannokki gashshoote ragi'neemmo daafira Magano galaxxineemmo. Hagiidhanno garinni ayirrinyunninna waajjatenni magansi'nosi.

IYYAASU 22:5

Muse uyino'ne Seera seekkitine agadhe; Magano'ne Kaaliiqa baxxe; hedosi wonshe; hajajosino agadhe. Isira ammanantinoonnire ikkitine, wo'mu wodaninninna wo'ma lubbonni soqqammesi» yii.

IYYAASU 24:14

Iyyaasu lede, «Xa Kaaliiqa ayirrissesi; co'o yitino sumbenninna ammanamatenni soqqammesi. Akaakka'ne Mesiphexoomiyahonna Gibitsete magansidhinota wole maganna huntine, Kaaliiqa calla magansidhe.

UMI YOHAANNISI 2:15

Tenne alame woy alamete aana noore baxxinoonte; tenne alame baxannohura Maganu Annu baxilli giddosi dino.

UMI YOHAANNISI 5:5

Yesuusi Maganu Beetto ikkinota ammanannoha agurranna, tenne gobba qeelannohu ayeti?

UMI SAAMUEELI 12:20

Saamueelino, «Waajjitinoonte; tenne baala bunshe assa'ne noote. Ikkollana Kaaliiqa wo'mu wodani'nenni magansidhesi ikkinnina isiwiinni faffinoonte.