MARRO 1:7 - Qullaawa Maxaafa

⁷ Galtinanni darga diiggine gaaraame Amooraawootu gobba hadhe. Hakkiichinnino Yordaanoosi Lagichira, ilaalaame gobbara gammoojjittete Negebinna Mediteraaniyu Baari qaccera hee'ranno manniwa hadhe. Qoltineno Kana"aanootu gobbanna Libaanoosi, lowo Wayi Efiraaxisihu geeshsha iille.

MARRO 1:7 ပူးပေါင်းရင်းမြစ်များ

KALAQAMA 12:9

Dargunni darga sa"anni Negebi dayi.

LAYINKI SAAMUEELI 8:3

Hakkunni gedensaanni Daawiti Efiraaxisi Wayi mule noo gobba amadara marino widoonni Sooriyu gashshooti giddo nooha Tsooba yinanni gobba moote Rehoobi beetto Hadadiezeeri qasi.

UMI DUDUWO 18:3

Tsooba moote Hadaadiezeeri aleenni Efiraaxisi Wayi mule noo gobba amadara gaadi yannara, Daawiti iso Hamaati gobba iilla geeshsha qasino.

UMI DUDUWO 27:29

Saarooni xawira noo lalira annimma uyinoonnihu Saarooni ilama ikkinohu Shixirayiiti. Laggate noo lalo towatannohu Adilayi beetti Shefaaxiiti.

UMI DUDUWO 5:9

Insa Geleaadi gobbara lowo saada ce'ino daafira, soojjaatoonni Efiraaxisi Wayi geeshsha noota halallitte baatto baala amaddu.

FULO 23:31

Danna'neno Duumu Baarinni Mediteraaniyu Baari geeshsha, halallitte gobbanni kayise Efiraaxisi Wayi geeshsha iillisheemmo. Baattote aana noore baala anga'nera sayise eenna albi'nenni shorritine huntinanni.

AMOOTSI 2:9

«Ani kayinni ki'ne daafira yee hojja daguwu gedeere, jawaante ejersu gedee Amooraawoota rumushshunkunni buqqise hunoommo.

KIIRO 10:12

Israeelete mannino Siina Halallittenni kae, gomichu mare Faaraani Halallittera uurra geeshsha basetenni base sai.

MARRO 1:19

«Hakkunni gedensaanni affininte gede Maganinke Kaaliiqi hajajinonke garinni, Siinanni ka'ne hattenne hala'ladonna waajjishshannota halallitte gobba sa'ne, gaaraame Amooraawotu gobba ragaanni hinge Qaadesi Berne dangoommo.

MARRO 11:11

Martine ragidhinanni baatto gordu xeena aggannote; ilaallanna lagga noose baattooti.

MARRO 11:24

Lekka'nenni kaddinanni dargi baalunku ki'neha ikkanno. Gashshooti'neno wodiidoonni halallitte baatto, aliyyeenni Libaanoosi Ilaali, soojjaatoonni Efiraaxisi Wayi, galchimaanni Mediteraaniyu Baari geeshsha iillanno.

IYYAASU 1:4

Danni'neno wodiidi ragaanni nootenni halalli gobbanni kayise, aliyyeenni noo ilaalla Libaanoosite geeshsha iillanno. Soojjaatoonni lowiidihu Efiraaxisi Wayinni kae, Hitootu gobba sae, galchimi ragaanni noohu Mediteraaniyu Baari geeshsha iillanno.

IYYAASU 10:40

Kunni garinni, Iyyaasu baatto gudise amadi. Ilaalaame gobba, soojjaati eelallittenna gaarrate lekkaalloonni galchimi ragaanni, wodiidoonni noo gobba halallittete geeshsha noo mootoolla qeeli. Mitto mancho nafa gatisikkinni baalanka shee gudi. Israeelete Magani Kaaliiqi uyino hajajo tenneeti.

IYYAASU 24:15

Iso magansi'ra dancha lawa hooggu'nero kayinni, akaakka'ne Efiraaxisi Wayira widoonni heedhu waro magansidhure, woy xa gobbansara heedhinannirita Amooraawootu maganna magansidhinanniha ikkiro, magansidhinanniha techo doodhe. Aninna mini'ya manni kayinni Kaaliiqa magansi'neemmo» yii.

IYYAASU 9:1

Aliyyenni Libaanoosi geeshsha Mediteraaniyu Baari qaccenna Yordaanoosira galchimaanni alichohono gammoojjeteno noo mootoolla baalanti Israeele qeeltinota macciishshitu. Insano Hitootu, Amooraawootu, Kana"aanootu, Ferizootu, Hiwootunna Iyaabuusootu mootoollaati.

YOHAANNIS AJUUJA 9:14

Hatti qoonqo xurumba anga haa're nooha leelki sokkaasincho, «Lowohu Efiraaxisi Wayi giddo usurante noore shoolenka sokkaasine tiri!» yitu.