MARRO 1:44 - Qullaawa Maxaafa

⁴⁴ Hattenne gaarra aana heedhanno Amooraawooti qassa'nera fultino; idditanno diishsho gede ikkite shorritino'ne. Edoomi gobbanni kayisse Herma Katami geeshsha shorrite gawajjitino'ne.

MARRO 1:44 ပူးပေါင်းရင်းမြစ်များ

FAARSO 118:12

Diishshote gede gaangeessitue; kayinnilla giira ittanno uti gede rahotenni giirantu; Kaaliiqi wolqanni gudoommonsa.

ISAYAASI 7:18

Hatte yannara Kaaliiqi xeertote gobbanni Abbayi Wayi qaccenni Gibitsete manna teennu hoshsha gede, Asoorootano bayirtino diishsho gede asse fiiqattotenni woshshanno.

KIIRO 14:45

Hakkunni gedensaanni ilaalaame gobbara heedhannori Amaaleqootunna Kana"aanootu dirrite qassunsa. Herma Katama iillita geeshsha shorritunsa.

KIIRO 21:3

Kaaliiqi Israeelete huuccatto macciishshe Kana"aanoota angansara sayise uyinsa. Insano mannanna katammansa co'o assite guddu. Kunninni kainohunni hakkonne darga Herma yini. Hatto yaano goofote yaate.

MARRO 28:25

«Kaaliiqi diinna'ne qeeltanno'ne gede assanno. Mitte faro higgine dagginanni; lamala faro higgine albinsanni xooqqinanni. Gosa baalate busha lawishsha ikkitinanni.

MARRO 32:30

Wolqaataamu Magani callachisha hoogoommensaro, Kaaliiqi facci asse agura hoogoommensaro, kume manna mittu manchi, tonne kume lamu manchi, hiitto asse qeelara dandaanno?

IYYAASU 7:5

Gayi manni katamu huxxi waalchinni kayise, kincho darranni bayichi geeshsha shorranni, gaaru eelallittera 36 ikkanno manna shii. Kunninni kainohunni, Israeelootu masseenna, goonte ba'unsa.