MAATEWOOSI 9:35 - Qullaawa Maxaafa

³⁵ Yesuusi xaadu minna giddo rosiisanni, gordu Gashshootiha Dancha Duduwo kulinsa. Addi addi dani dhibbinni amadamino mannano hursanni, katammatenna qachuwa baalate ha'rami.

MAATEWOOSI 9:35 ပူးပေါင်းရင်းမြစ်များ

MAATEWOOSI 10:1

Yesuusi tonaa lamenka rosaanosi isiwa woshshe, busha ayyaana fushshatenna addi addi dhibbanna dhiddo baala hursate roorre uyinsa.

MAATEWOOSI 11:1

Yesuusi tonaa lamenka rosaanosi hajajihu gedensaanni, hakkiichinni kae mule noo katammara rosiisaranna kulara ha'ri.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAARQOOSI 1:14

Yohaannisi amadame usuru minira eihu gedensaanni, Yesuusi Maganunniha Dancha Duduwo kulanni Galiilu gobba daye,

MAARQOOSI 6:56

Isi ha'riwa baala qachuwate, katammate, gattate, dikkoteno dhiwamaasine massite goxissanni, uddanosi handaarano ikkiro kissara huuccidhinosi. Iso kissuri baalu hurtino.

MAARQOOSI 6:6

Amma'na hoogansarano lowo geeshsha maala'li. Hakkunni gedensaanni, Yesuusi rosiisanni qacha baala doyi.

LUQAASI 13:22

Hakkunni gedensaanni, Yesuusi Yerusaalame ha'ranni, katammatenna qachuwate giddoonni hige rosiisanni sai.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

SOQQAMAASINETE LOOSO 2:22

«Israeelete manna! Konne qaale macciishshe; affininte gede Naaziretete Yesuusi ewelumma, Maganu Isi widoonni qole giddo'ne assinohu jawu coyi, maalalenna dhagge xawo fultino.