MAATEWOOSI 8:29 - Qullaawa Maxaafa

²⁹ Insano, «Ati Maganu Beettooti; atera ninke ledo mayi noohe? Yanna daggukkinni qarrisattonkera dayitto?» yitanni raartu.

MAATEWOOSI 8:29 ပူးပေါင်းရင်းမြစ်များ

LAYINKI SAAMUEELI 16:10

Mooteno, «Ki'ne Tseruya ooso, ki'nera ane ledo mayi noo'ne? Kaaliiqi, ‹Daawiti rumi› yee worinosiha ikkiro, ‹Togo mayira assatto?› yaannosihu ayeti?» yiinsa.

LAYINKI SAAMUEELI 19:22

Daawiti qole, «Ki'ne Tseruya ooso, ane coyi giddora mayira e'inanni? Anera qarra abbitinaera hasidhinoonninso? Kune xa Israeelete moote aneeti. Techo Israeelete giddonni ayino reya dihasiissanno» yii.

UMI MOOTOOLLA 17:18

Iseno Eeliyaasi, «Maganu mancho! Togo mayira assittoe? Kawiira dayottohu Maganoho cubbo'ya qaagiissite qaaqqo'ya shiishiishattoraatini?» yitusi.

LAYINKI MOOTOOLLA 3:13

Elsaino Israeelete mootera Iyoraamira, «Anewa mayira daatto? Hadhe annikkinna amakki himanaano xa'mi'ri!» yiisi. Moote Iyoraamino daware, «Dihattootiwe! Ninke sasenka mootoolla Moaabi angara sayise aara haa're abbinohu Kaaliiqaati» yii.

LAYINKI DUDUWO 35:21

Nikau kayinni Iyosiyaasira, «Yihudu moote! Anenna ate giwanshiishanno coyi mittuno dino. Ani dayommohu diina'ya qasammoraati ikkinnina ate hase difuloommo. Diina'ya rahe qaseemmo gede Maganu hajajinoe. Maganu ledo'ya noo daafira ittisa hoogittoero danchate. Giwittoro kayinni Maganu hunannohe!» yee sokka soyisi.

IYUEELI 3:4

«Ki'ne Xiroosi, Sidoonanna Filisxeemete ga're baala, ane aana ma"assitinara heddinoonni? Ani assoommo coyira rabbisidhinara hasidhinoonnini? Tenne heddinoonniha ikkiro, ani rahotenni balaxe rabbisi'reemmo'ne.

MAATEWOOSI 4:3

Hatte yannara jifannohu Yesuusiwa daye, «Hanni ati Maganu Beettootiro, tini kinna timma ikkitanno gede hajaji!» yiisi.

MAATEWOOSI 8:30

Insawiinni shiimare xeertidhe kiiro haammata manchaame hayisso ittanni no.

MAARQOOSI 1:24

«Naaziretete Yesuusa, ninke ledo atera mayi noohe? Hunattonkera dayitto? Ati ayetiro afoommohe. Ati Maganu Qullaawaati» yee raari.

MAARQOOSI 3:11

Busha ayyaanna iso affanno woyite albasiinni ubbanni, «Ati Maganu Beettooti» yitanni lowo geeshsha raartu.

MAARQOOSI 5:7

Lowo geeshsha raaranni, «Ati Wo'munkura Aliidi Magani Beetto Yesuusa, atera ane ledo mayi noohe? Shetisattoekki gede Maganu su'minni eegameemmohe» yii.

LUQAASI 4:34

«Naaziretete Yesuusa! Ninke ledo atera mayi noohe? Hunattonkera dayitto? Ati ayetiro egennoommohe. Ati Maganu Qullaawaati» yee raari.

LUQAASI 4:41

Durriissano, «Ati Maganu Beettooti» yite raartanni lowo manni giddonni agurte fultu. Durriissa Yesuusi Kiristoosa ikkinota egentino daafira coyidhannokki gede hajajinsa.

LUQAASI 8:28

Yesuusa afi yannara raari; albasiinni kumbuule lowo qoonqonni, «Ati Wo'munkura Aliidi Magani Beetto Yesuusa, atera ane ledo mayi noohe? Eeggakkiitina shetissootie» yii.

YOHAANNISI 2:4

Yesuusino, «Ama! Asseemmore ati kulattae? Xaara yanna'ya di"iillitino» yiise.

SOQQAMAASINETE LOOSO 16:17

Ise ninke faana hadhanni, «Kuni manni Wo'munkura Aliidi Magani soqqamaanooti; insa gatote doogo kultannoreeti» yitanni cancite coyidhu.

YAIQOOBI 2:19

Ati, Maganu mitto ikkinota ammanootto. Kuni danchaho; hattenne durriisuno ammananno; waajjeno huxi'ranno.

LAYINKI PHEEXIROOSI 2:4

Maganu cubbo loossino sokkaasine nafa mararikkinni tunsichu qile giddo heedhe yoote barra agadhitanno gede, gaannaamete tuginonsa.

YIHUDA 1:6

Heedhanno darga calla ikkikkinni uyinoonninsa roorre agurtino sokkaasine, jawu yoote barri geeshsha hegere usurira tunsichu giddo wore agare no.

EJJEETTO 11:12

Hakkunni gedensaanni Yofitahe Amoonootu mootewa, «Ninkera mayi koma heedheennaheeti dagge gobbanke horrittohu?» yee manna soyi.