MAATEWOOSI 8:16 - Qullaawa Maxaafa

¹⁶ Hawarrita, durriisu ganinorenna dhiwantinore baala haadhe Yesuusiwa abbiteenna qaalisinni busha ayyaanna fushshi; dhiwantinore baalano hursi.

MAATEWOOSI 8:16 ပူးပေါင်းရင်းမြစ်များ

FULO 15:26

Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.

MAATEWOOSI 12:22

Hakkunni gedensaanni mannu mitto durriisu amadinoha, danqichanna illiweelo mancho Yesuusiwa haa're abbi. Yesuusino hurseennasi manchu coyi'ranna la"a dandii.

MAATEWOOSI 14:14

Yesuusi yowolote aaninni dirri woyite lowo manna lae mararinsa; dhiwamaasinensano hursi.

MAATEWOOSI 8:15

Angase amadita iibbabbo higgeennase ka'e soqqantusi.

MAATEWOOSI 8:33

Manchaame allaalte noori xooqqe katamu giddora e'e ikkino coye baala dudubbu. Durriisu amadino manni aana ikkinore baala hasaabbu.

MAATEWOOSI 9:2

Mannu mitto laanshaawa mancho rerete aana goxe nooha duhe Yesuusiwa abbi. Yesuusi amma'nansa afe laanshaawa mancho, «Beetto'ya bashshi yitooti; cubbikki aguraminohe» yiisi.

MAARQOOSI 2:3

Hatte yannara, shoolu manchi mitto laanshaawa mancho dukke Yesuusiwa abbitu.

MAARQOOSI 5:8

Hatto yiinohuno Yesuusi balaxe, «Koo busha ayyaana, kunni manchi giddonni fuli!» yee hajajinosihuraati.

MAARQOOSI 9:25

Yesuusi mannu hooramanni isiwa hige daannota afe, busha ayyaana, «Ati macciweelunna danqichu ayyaani, beettuwiinni fulatto gedenna layinkita eattokki gede hajajeemmohe!» yee rufi.

LUQAASI 13:12

Yesuusi ise afe woshshe, «Tee mancho, dhibbikkinni hurootta» yiise.

LUQAASI 4:40

Arrishsho e'uta, mannu addi addi dhibbi amadinore baala haa're Yesuusiwa abbi. Isino mitto mittonka angasi aanaho wore hursinsa.

LUQAASI 4:41

Durriissano, «Ati Maganu Beettooti» yite raartanni lowo manni giddonni agurte fultu. Durriissa Yesuusi Kiristoosa ikkinota egentino daafira coyidhannokki gede hajajinsa.

SOQQAMAASINETE LOOSO 5:15

Lowo manni dhiwamino manna daallasunninna reretenni haa're masse doogote gama woranno. Hatto assitannohu Pheexiroosi hakkaanni hige sa"anno woyite caalisi nafa aanaho uwansara hasidheeti.