MAATEWOOSI 8:15 - Qullaawa Maxaafa

¹⁵ Angase amadita iibbabbo higgeennase ka'e soqqantusi.

MAATEWOOSI 8:15 ပူးပေါင်းရင်းမြစ်များ

LAYINKI MOOTOOLLA 13:21

Mitte hinge Israeelete gobbara mitto mancho madaarrara ka'ne hee'neenna bala tuggannori ka'e daggeenna muddante reeshsha Elsai waammara tugge xooqqino. Reeshshuno hedeweelcho Elsai miqicho kisanni hee'renni hakkawoyintenni kae uurri.

ISAYAASI 6:7

Suume'yano kiffalchunni kise, «Kune kiffalchu suumekki kisino daafira, saokki aanikkinni ho'litino; cubbokkino agurroonnihe» yiie.

MAATEWOOSI 14:36

Dhiwantinori uddanosi qacce calla kisate huuccidhusi; kissuri baalu dhibbinsanni hurtu.

MAATEWOOSI 20:34

Yesuusi marare illensa amammadi; insano hakkawoyintenni ille fa'niteennansa hoodesi hadhu.

MAATEWOOSI 8:14

Yesuusi Pheexiroosi minira mari yannara Pheexiroosi ballo iibbabbite goxxe noota afi.

MAATEWOOSI 8:16

Hawarrita, durriisu ganinorenna dhiwantinore baala haadhe Yesuusiwa abbiteenna qaalisinni busha ayyaanna fushshi; dhiwantinore baalano hursi.

MAATEWOOSI 8:3

Yesuusino anga diriirse manchono amammade, «Baxoommohena huri!» yiisi. Manchuno hakkawoyintenni taraawannohu gogu dhibbinni huri.

MAATEWOOSI 9:20

Hadhanni heedheenna tonaa lame diro wo'ma mundee lolakkanna heedhannoti mitte mancho, Yesuusira badheenni higge dagge uddanosi qacce kissu.

MAATEWOOSI 9:29

Hakkunni gedensaanni Yesuusi illensa angasinni amammade, «Ammana'ne gede ikko'ne!» yiinsa.

MAARQOOSI 1:29

Yesuusi Yaiqoobinna Yohaannisi ledo xaadu mininni fulanni hee'renni, Simiooninna Indiriyaasi minira ha'ri.

MAARQOOSI 1:41

Yesuusino marare angasinni amammade, «Baxoommohena huri!» yiisi.

LUQAASI 8:54

Yesuusi beettote anga amade, «Tee beetto, gotti yii!» yiise.