MAATEWOOSI 8:11 - Qullaawa Maxaafa

¹¹ Lowo manni soojjaatinna galchiminni daanno; gordu Gashshooti jilira Abirihaami, Yisihaaqinna Yaiqoobi ledo ofollanno.

MAATEWOOSI 8:11 ပူးပေါင်းရင်းမြစ်များ

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

KALAQAMA 22:18

Anera hajajamoottohura baattote aana noo manni baalunku sirchikkinni maassamanno» yiisi.

KALAQAMA 28:14

Sirchokkino baattote shaafi gede asse batiseemmo; soojjaatinna galchimi, aliyyenna wodiidi geeshsha hala'latto; daga baalano atenninna sirchikkinni maassantanno.

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 98:3

Israeelete mannira ammanamasinna bagamannokkiha baxillesi leellishi; gosa baala Maganinke gatisanno gara affu.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

ISAYAASI 49:12

Kune manni'ya xeerto gobbanni daanno; aliyyenninna galchiminni, qoleno wodiidinni Asiwaani yinanni kataminni higanno» yii.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 52:10

Maganinke Kaaliiqi daga baalate wolqasi leellishanno; gobba baalano gatisaanchimmasi la'anno.

ISAYAASI 59:19

Bubbimma jiganno lolahi gede ikke daanno daafira, galchiminna soojjaati gosa, Kaaliiqanna ayirrado wolqasi waajjitanno.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MAATEWOOSI 21:41

Insano, «Kuri bushuullunnita geedonsa hunanno. Woyinete Kaashshi dargano loossinoha yanna yannantenni uyitanno gutanyootira gutisanno» yitu.

MAATEWOOSI 24:31

Xurumba lowo geeshsha luushshitanno sokkaasine soyanno; insano shoolenka raga hadhe, gordunna gobbate qaccenni Maganu doodhinore gamba assitanno» yii.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 8:10

Yesuusi konne coye macciishshe dhagge assi're, hoodesi ha'ranni noo mannira, «Halaale kuleemmo'nena, togoota jawa amma'na afi'rinoha Israeelete giddo nafa afe diegennoommo.

LUQAASI 12:37

Mootichinsa daanno woyite, baqqi yite agarte heedheenna afannonsari ba'raadhinoreeti. Halaale yeemmo'nena, hallo qodhe, insano sagale intanniwa ofoltanno gede asse kae soqqamannonsa.

LUQAASI 16:22

«Hakkunni gedensaanni buxichu reenna sokkaasine haadhe massite Abirihaami mule wortusi. Dureessano reenna madaarri.

SOQQAMAASINETE LOOSO 10:45

Pheexiroosi ledo dagginori Ayihudete ammanaano, Maganu dagate Qullaawa Ayyaana dirrisanna la'e, lowo geeshsha dhaggeeffattu.

SOQQAMAASINETE LOOSO 11:18

Insa konne coye macciishshitu yannara qoltannore hoogge Magano galattanni, «Xa Maganu dagate nafa aagintaabbe heeshsho afidhanno kaayyo uyinonsa» yitu.

SOQQAMAASINETE LOOSO 14:22

Martuwa baala ammanaano seejjitanninna jawaachishshanni, «Maganu gashshoote eate lowo qarra adha hasiissannonke» yitanni rosiissunsa.

SOQQAMAASINETE LOOSO 14:27

Martinowa ammanaano gamba assite, Maganu insa widoonni qole loosino loosonna dagate ammanate doogo asse faninonsa gara kultu.

UMI QORONTOOSI 15:20

Ikkollana, Kiristoosi reyitinorira reyotenni ka"ate umiha ikke, halaalinta reyotenni kaino.

UMI QORONTOOSI 6:9

Haxawarrootu Maganu Gashshoote e'annokkita diaffinoonni? Sodhinoonte! Saalimalootu woy kaphu maganna magansidhannori woy foortannori woy labbaahu ledo akkimaltannori woy

EFESOONI SOKKA 3:6

Hatto yaa, Danchu Duduwi widoonni Daga Ayihudete ledo Maganu maasso beeqqite mitto biso ikkitanno gede, Maganu Kiristoosi Yesuusinni uyino hexxo afidhannota xawise dikulinonsa yaate.

QOLASIYAASI SOKKA 3:11

Hakkiicho Giriikichunna Ayihudichu, barciminohunna barciminokkihu, allaggichunna fiixu borojjichu woy biilu dino. Kiristoosi kayinni wo'manko; wo'munku giddo no.

LAYINKI TESELONQE 1:5

Kuni coyi baalu, Maganu yoo halaalaancho ikkitinotanna ki'ne qarra adhitinoonnihura Maganu gashshootira guuta manna ikkitinoonnita leellishanno.

YOHAANNIS AJUUJA 7:6

Aseeri ga'renni 12,000, Nifitaalemi ga'renni 12,000, Minaase ga'renni 12,000,