MAATEWOOSI 7:5 - Qullaawa Maxaafa

⁵ Ati lawisiisaanchu! Hanni balaxxe umikki ille giddo noo mokkollicho fushshi'ri. Hakkunni gedensaanni rodiikki illera noo ishincho fushshate illekki xunsite la'anno.

MAATEWOOSI 7:5 ပူးပေါင်းရင်းမြစ်များ

MAATEWOOSI 22:18

Yesuusi kayinni bunshensa afe, «Ki'ne lawisiisaano, mayira fonqoltinannie?

MAATEWOOSI 7:3

Ate ille giddo noo mokkollicho laittokkinni rodiikki illera noo ishincho mayira la"atto?

MAATEWOOSI 7:4

Ate ille giddo noo mokkollicho afittokkinni rodookki, ‹Rodoo'ya, illekki giddo noo ishincho fushshoheni?› hiitto yaatto?

MAATEWOOSI 7:6

«Wirri yee ki'ne ga'manno'nekki gede, qullaawoota woshshaho tugginoonte. Lekkatenni kakkaddannona, maareekonnire manchaamete albaanni wortinoonte» yii.

LUQAASI 12:56

Ki'ne lawisiisaano, gordunna baattote dana la'ine ikkannore affinanni. Tenne yannara ikkannore baddine afa mayira hoogginiyya?» yii.

LUQAASI 13:15

Mootichu qole, «Ki'ne lawisiisaano, Fooliishshote Barra handosi woy harrichosi hadirinni tire waa hayikkisi'rara adhe ha'rannokkihu nooni?

LUQAASI 4:23

Yesuusino, «‹Ati Xagisaanchu, hanni umokki hursi!› yitine maammaakkinannieta afoommo. Qoltineno, ‹Qifirinahoomi assoottore baala macciishshinoommo; kawiicho gobbakkirano hatto assi› yitinannie.

LUQAASI 6:42

Qolteno ate illera noo heelliicho afittokkinni rodookkira, ‹Rodoo'ya, illekkira noo ishincho fushshoheni› hiitto yaatto? Ati lawisiisaanchu, hanni balaxxe illekkira noo heelliicho fushshi'ri. Hakkunni gedensaanni rodiikki illera noo ishincho fushshate illekki xunsite la'anno.

SOQQAMAASINETE LOOSO 19:15

Durriisu kayinni, «Yesuusa egennoommo; Phaawuloosino afoommo; ki'ne kayinni ayeooti?» yiinsa.