MAATEWOOSI 7:17 - Qullaawa Maxaafa

¹⁷ Dancha haqqicho baala dancha laalo laaltanno. Busha haqqicho kayinni busha laalo laaltanno.

MAATEWOOSI 7:17 ပူးပေါင်းရင်းမြစ်များ

FAARSO 1:3

Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ERMIYAASI 11:19

Anino gorrinara haa'ne ha'nannihu ge'rechu wilii'lichi gede ikkoommo. «Amme haqqicho laalose ledo hunnona; amme kunni ka'a su'masi kayinsannikki gede, mannu mereerinni hoollona» yite, ma'litinota ani diafoommo.

ERMIYAASI 17:8

Isi wayi gama kaanseenna, rumushsho wayi widira diriirsidhino haqqicho gedeeho. Tini haqqicho wo'manka woyite latte heedhanno daafira, arrishshu yannarano diyaaddanno; xeenu nookki yannarano ruxxi yitukkinni laaltanno.

MAATEWOOSI 7:18

Dancha haqqicho busha laalo laala didandiitanno; busha haqqichono dancha laalo laala didandiitanno.

EFESOONI SOKKA 5:9

Xawaabbu addi addi danchumma, keeraanchimmanna halaale baala laalanno.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

YIHUDA 1:12

Kuri ledo'ne jilaho ofolturo, saalimale ikkitonsanni ittinanni sagale lageessitanno. Insa umonsa calla baxxannoreeti. Bubbe haadhe hadhannoha xeenu nookki gomicho labbanno. Gumu nookkireeti; lame higge reyitinoreeti; rumushshunkunni arro buqqinsoonni haqqe gedeereeti.