MAATEWOOSI 7:11 - Qullaawa Maxaafa

¹¹ Ki'ne bushuulle ikkitine heedhinenni ooso'nera danchare aa egentinina, gordoho noohu Anni'ne huuccidhannorira roorenka hiitto danchare aa hooganno?

MAATEWOOSI 7:11 ပူးပေါင်းရင်းမြစ်များ

KALAQAMA 6:5

Kaaliiqi mannu bunshe baattote aana batidhinota, wodaninsa hedonna yortonsa duuchanka woyite horonta busha ikkitinota afi.

KALAQAMA 8:21

Kaaliiqi shilqonniha dancha foole su'niissi'ri; wodanisinnino, «Manchu wodani hedo anjesinni kayisse bushate; ikkirono isinni kainohunni baatto dirumeemmo; xa assummo gede lubbo nooha baala layinkimeeshsho dihuneemmo.

LAYINKI SAAMUEELI 7:19

Kaaliiqa Mooticha'ya, xaano hakkiinni sainore assitanni nootto. Kunni ka'a daggara nootera ilama'yarano lowo hexxo ootto; Kaaliiqa Mooticha'ya, hada ati mannaho kageeshshire assatto?

IYYOOBI 15:16

Saonkanni, cubbo wayimma aganno manni, mageeshshi geeshsha bushahoro hedi.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

FAARSO 85:12

Kaaliiqino danchare aanno; baattonkeno dancha guma laashshitanno.

FAARSO 86:15

Mooticha'ya, ati maarattohanna mararattoho; hanqate muddamattokkiho; bagamannokkihu baxillikkinna halaalikki bati'raho.

FAARSO 86:5

Ati shaqqadohonna cubbono agurattohona, woshshidhannoherira baalaho bagamannokkiha baxillekki leellishattonsa.

ISAYAASI 49:15

Kaaliiqi qole, «Ama qansidhannoha qaaqqose habbannoni? Iltino qaaqqo dimarartanno? Ise habbara dandiitanno; ani kayinni horonta dihaweemmo'ne.

ISAYAASI 63:7

Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.

ERMIYAASI 33:14

Kaaliiqi, «Israeeletenna Yihudu mannira oommota dancha hexxo wonsheemmo barri daanni no.

HOOSEI 14:2

Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

MILKIYAASI 1:6

Olantote Mootichi Kaaliiqi qeesootaho, «Beettu anna, soqqamaanchuno mootichasi ayirrisanno. Ani anna'neeti; mayira diayirrissinannieyya? Ani Mooticha'neeti; mayira ayirrinye diuyitinannie? Ki'ne ane mishshinoonnie. Tenne affinanni heedhine, ‹Hiitto assine minshummohe?› yitinoonnie.

MAATEWOOSI 23:9

Gordoho mittu Anni callu noo'ne daafira baattote aana mittono, ‹Annanke› yitine woshshitinoonte.

MAATEWOOSI 7:10

Qulxu'me huucci'reenna hamashsho aannoni?

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

ROOMU SOKKA 3:19

Seeru hajajo Seeru anga galtannorira ikkitinota egenninoommo. Kunni daafira mannu ku'le gatannore hooge sammi yaanno; alame baala Maganu yoo angara higganno.

ROOMU SOKKA 3:9

Hatto ikkiro ninke Ayihude dagatewiinni woyyineemmo coyi noonke yaateni? Horonta hatto di"ikkino! Ayihudeno ikkito daga, mannu baalu cubbaataamo ikkinota balaxe coyi'roommo.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

GALATIYU SOKKA 3:22

Ikkollana, Maganu qaali yaannonte gede, mannu baalu cubboho hirame cubbu usuranya ikkino. Yesuusa Kiristoosa amma'natenni afi'nanni hexxono amma'nitinorira calla uyinanni.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

UMI YOHAANNISI 3:1

«Maganu oosooti» yinanninke gede Maganu Annu hiittoo baxille uyinonkero la'e; addanko, ninke Maganu oosooti. Alame Magano egentinokkihura ninkeno diegentinonke.

UMI YOHAANNISI 4:10

Baxillu togooti; Magano ninke banxoommoha ikkikkinni, isi ninke baxe cubbonke agursiisate Beettosi soyinonke.