MAATEWOOSI 6:5 - Qullaawa Maxaafa

⁵ Yesuusi lede, «Huuccidhinanni woyite, leellamate yite huuccidhannori gede ikkitinoonte. Insa mannu la"ansara yite xaadu minenna dooggate maddera uurrite huucci'ra baxxanno. Halaale kuleemmo'nena, insa balaxxe loosinsa guma adhite ka'ino.

MAATEWOOSI 6:5 ပူးပေါင်းရင်းမြစ်များ

FAARSO 5:2

Magano moote'ya, ate huucci'reemmona, kaa'lote raareemmo raare macciishshie.

FAARSO 55:17

Soodo, barranna hashsha isira qaxxadheemmo; isino qoonqo'ya macciishshanno.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

LAWISHSHA 16:5

Kaaliiqi boonaleessa wodana tiyyi're giwanno; hakko wodanihu qorichishamikkinni gatannokkita egenne.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ERMIYAASI 29:12

Hatte yannara woshshidhinannie; anewa higgine huuccidhinannie; anino macciishsheemmo'ne.

DAANIEELI 6:10

Daanieeli lallawa malaatinsoonnita afihu gedensaanni galanno minira iimaanni noo dargira fuli; galanno mini aana noo dargi Yerusaalamete alba higginoti fa'nantino masikootta noosiho. Alba rosinonte gede guluphe Maganosi galaxxanni barrunni 3 hige huucci'ri.

MAATEWOOSI 21:22

Amma'nitine huuccidhinannire baala afidhinanni» yee qolinsa.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

MAATEWOOSI 23:5

Assitannore baala mannu la"ansara yite assitanno. Quraama gowisiisidhanno; huuccattote uddanonsa handaara seedisidhanno.

MAATEWOOSI 23:6

Jilu mine ayirrinyu darga, xaadu mine umi barcimira ofolla baxxanno.

MAATEWOOSI 6:1

Yesuusi lede coyi'ranni, «‹Mannu laonke› yitine dancha looso mannu albaanni assa qorophe! Hatto assitiniro Gordu Anni'newiinni mittoreno diafidhinanni.

MAATEWOOSI 6:16

Yesuusi, «Qatuntine huuccidhinanni woyite, qatunte huucci'ransa mannu afansara yite bullitanno lawisiisaano gede alba bullitinoonte. Halaale kuleemmo'nena, insa loosinsa guma adhite ka'ino.

MAATEWOOSI 6:2

«Kunnira qarrantinorira uyitinanni woyite mannu la"ansara yite xaadu minenna dooggate uyitanno lawisiisaano gede leellamate yitine assitinoonte. Halaale kuleemmo'nena, hatto assitannori loosinsa guma adhite ka'ino.

MAATEWOOSI 9:38

Gide gamba assate, lowo loosaasine soyanno gede loosu Mooticha huuccidhe!» yiinsa.

MAARQOOSI 11:25

Gordoho noohu Anni'ne cubbo'ne aguranno'ne gede, Magano huuccidhinara ka'inanni woyite, mannaho amaddinoonni koma agurre.

MAARQOOSI 12:38

Yesuusi rosiisanni, «Seeda uddano uddidhe, ka'anna kawa ha'rantanni dikkote ayirrinyunni keere haa'nansara hasidhannore, Muse Seeri rosiisaano agadhe!

LUQAASI 11:43

Ki'ne Farisootaho aanne'e! Xaadu mine ayirrado darga ofolla baxxinanni. Dikkoteno keere haa'na'nera hasidhinanni.

LUQAASI 18:1

Hakkunni gedensaanni, Yesuusi wo'manka woyite jawaatte huuccidhanno gede rosaanosira lawishsha kulanni,

LUQAASI 18:13

«Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

LUQAASI 20:47

Leellantara yite seeda huuccatto assitanni, gunnootu mine mulqitanno. Kunnira, insa rooru qorichi agarannonsa» yii.

LUQAASI 6:24

«Ki'ne dureeyye kayinni, xa qawaaxxidhine heedhinoonni daafira, ki'nera aanne'e.

YOHAANNISI 16:24

Xaa geeshsha su'mi'yanni mittoreno dihuuccidhinoonni. Huuccidhe, adhitinannina; hagiirri'neno wo'ma ikkanno.

EFESOONI SOKKA 6:18

Wo'manka woyite hasiisanno coyi baalaho, Qullaawu Ayyaaninni huuccidhe. Hakko garinni qullaawu manni baalahono jaattine huuccensa.

UMI TESELONQE 5:17

Agurtinikkinni huuccidhe!

YAIQOOBI 4:6

Ikkirono Qullaawu Maxaafi, «Maganu boonaleeyye giwanno; jooguulleho kayinni eltosi aanno» yaanno daafira, Maganu aanno elto baalunkurinni roortanno.