MAATEWOOSI 6:24 - Qullaawa Maxaafa

²⁴ «Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

MAATEWOOSI 6:24 ပူးပေါင်းရင်းမြစ်များ

KALAQAMA 47:17

Insano saadansa haadhe abbitu; Yooseefino abbitino faradi, ge'reewi, mei, lalunna harrete darga gide uyinsa; hakko diro saadansa baalante darga gide adhitu.

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

LAYINKI MOOTOOLLA 17:41

Baabilooninni dayino mannino Kaaliiqa magansi'ranni hee'renni, wole widoonni kayinni magannansa magansi'rino. Sirchinsano techo geeshsha kunni garinni magansi'ranni no.

HIZIQEELI 20:39

Mootichu Kaaliiqi, «Kuneeti xaano ki'ne Israeele ani yeemmota macciishsha gibbiniro, baxxinoonnire baala asse. Hadhine, kaphu magannano magansidhe; hakkunni gedensaanni kayinni, kaphu maganna'nera kakkalo shiqishshinanni qullaawa su'ma'ya dishollishshinanni.

SOFFOONIYAASI 1:5

Gumayicho giddite arrishshote, aganahonna beeddahete kumbuultannore huneemmo. Ane magansidhanninna su'miyanni xaartanni heedhenni, wirri yite Melkoomi yinannihu kaphu magani su'minni xaartannore huneemmo.

MAATEWOOSI 4:10

Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.

LUQAASI 16:11

Hatto ikkina, tenne gobba jirora ammanama hoogginiro, halaalaancho jiro ayi ammane aanno'ne?

LUQAASI 16:13

«Mittu manchi lamu mootichira soqqama didandaanno. Woy mitto giwe, wole baxanno; woy mitto ayirrise, wole mishanno. Hattonni Maganohonna woxeho soqqama didandiitinanni» yii.

LUQAASI 16:9

Kuleemmo'nena, bunshete woxinni jaalla kalaqidhe; hatto assitiniro woxi'ne goofeenna mulla anganni gattinanni yannara, jaalla'ne haadhe geedote mine wortanno'ne.

GALATIYU SOKKA 1:10

Xa ani mannunso Maganu galataera hasi'roommo? Woy manna hagiirsiisa hasi'roommoha lawino'ne ikka? Manna hagiirsiisa hasi'reemmoha ikkoommoro Kiristoosi borojjicho ikka didandeemmo.

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

LAYINKI XIMOOTEWOOSI 4:10

Deemaasi tenne gobba baxe, ane agure Teselonqe ha'rino. Qirqiisi Galatiya, Tiitono Dilimaaxiya ha'rino.

YAIQOOBI 4:4

Ki'ne ammanantinannikkiri! Tenne gobba baxa Magano giwa ikkitinota diegentinoonni? Kunnira, tenne gobba baxannohu baalu Maganoho diinaho.

IYYAASU 24:15

Iso magansi'ra dancha lawa hooggu'nero kayinni, akaakka'ne Efiraaxisi Wayira widoonni heedhu waro magansidhure, woy xa gobbansara heedhinannirita Amooraawootu maganna magansidhinanniha ikkiro, magansidhinanniha techo doodhe. Aninna mini'ya manni kayinni Kaaliiqa magansi'neemmo» yii.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.