MAATEWOOSI 6:23 - Qullaawa Maxaafa

²³ Ille'ne fayya hoogguro kayinni, mannimma'ne baala tunsitanno. Kunnira, giddokki noo caabbichi tunsiro, hiikke albinni roore tunsa hooganno» yii.

MAATEWOOSI 6:23 ပူးပေါင်းရင်းမြစ်များ

LAWISHSHA 26:12

Umosi egennaamo asse kiiranno manchinni roore, gowwu manchira hexxo noosi.

ISAYAASI 8:20

Kunni mannira Kaaliiqi Seera kulle! Insano Kaaliiqi qaali garinni coyi'ra hoogguro illetenni xawaabba diaffanno.

ERMIYAASI 4:22

Kaaliiqi, «Manni'ya ane afannokki balalaati; wodancha afidhinokki oosooti; horontanni diqaaggannoreeti. Bunshe loosate lowo geeshsha busultinoreeti; dancha coye assinanni gara kayinni horonta diegentino» yaanna macciishshoommo.

MAATEWOOSI 20:15

Woxi'yanni hasi'roommore assa didandeemmo? Woy ani shooshaqa ikkoommota dhiibbifatatto?› yiino» yii.

MAATEWOOSI 6:22

Yesuusi qole, «Mannimmate caabbichi illete; kunnira ille'ne keere ikkituro, mannimma'ne baala xawaabba ikkitanno.

MAARQOOSI 7:22

foorrete, yortote, bunshete, xagarrote, amanyootiweellete, dhiibbete, hemete, boo'nate, yamalaimmate.

LUQAASI 11:34

Illekki mannimmakki caabbichooti. Illekki fayyo ikkituro, mannimmakki baala xabbanno. Illekki fayya hoogguro kayinni, mannimmakki baala tunsitanno.

LUQAASI 8:10

Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni la'anni heedhe buuxxannokki gede, macciishshitanni heedhe wodanchitannokki gede masalsatenni kullanninsa» yiinsa.

ROOMU SOKKA 1:22

«Ninke egennaammaho» yitanni heedhenni gowwoota ikkitu.

UMI QORONTOOSI 2:14

Ayyaana afi'rinokki manchi kayinni, tenne gowwimmate kiiranno daafira Maganu Ayyaani aanno elto adha didandaanno. Maganu Ayyaaninni xiinxallinanni coye ikkino daafira, buuxa didandaanno.

EFESOONI SOKKA 4:18

Afa hoogansanninna mokkookkansanni kainohunni, wodaninsa tunsino; Maganuwiinnino baxxitino.

EFESOONI SOKKA 5:8

Ki'ne alba tunsichoho heedhinoonni; xa kayinni Mootichunni heedhinoonni. Kunnira, xawaabbu giddo hee'ranno manni gede ikkitine heedhe.

UMI YOHAANNISI 2:11

Rodoosi giwannohu kayinni tunsichu giddo no; tunsichu giddo hee'ranno. Tunsichu illesi beeshshinohura ha'rannowa diafanno.