MAATEWOOSI 6:10 - Qullaawa Maxaafa

¹⁰ Gashshootikki dayo, hedoottori gordoho ikkinonte gede, baattote aanano ikko.

MAATEWOOSI 6:10 ပူးပေါင်းရင်းမြစ်များ

NEHIMIYA 9:6

Kunni baalu gedensaanni Israeelete manni, «Kaaliiqa, ati callu Maganoho; ati gordonna gordu beeddahe kalaqootto. Baattonna baara, giddonsa noore baala kalaqoottohu ateeti; baalunkura lubbo woroottonsa. Gordu olanto baala heeshshi yite magansidhohe!

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 40:8

Magano'ya hedokki wonshammora baxoommo; seerikkino wodani'yara no» yoommo.

ISAYAASI 2:2

Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 4:35

Baattote aana hee'ranno manni baalu, isi albaanni mullareeti; gordu sokkaasinerano ikko, baattote aana hee'ranno manni aana, hasi'rinore assanno. Hedinore assannokki gede hoolannohunna, «Togo mayira assatto?» yaannosihuno dino› yaanni ayirrisoommosi.

DAANIEELI 7:13

Hashsha ajuujatenni mannu ila lawannohu gomichunni dukkisame daanna afoommo. Isono hegerera hee'rannohuwa haa'ne abbini.

DAANIEELI 7:27

Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

MAATEWOOSI 12:50

Gordoho hee'rannohu Anni'ya hedinore wonshannohu baalu anere labbaa rodoo'yaati, meyaa rodoo'yaatinna ama'yaati» yiinsa.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 26:42

Galagale Yesuusi layinkimeeshsho xeerti're ha're, «Anna'ya, kuni qarru finiinchi anewiinni sa"annokkiha ikkiro, ate hedo gede ikkona» yaanni huucci'ri.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 4:17

Hatte yannanni kayise Yesuusi, «Gordu Gashshooti gambisinona, cubbo'ne aagintaabbe!» yaanni rosiisa hanafi.

MAATEWOOSI 7:21

Yesuusi lede, «‹Mooticha'ya! Mooticha'ya!› yaannoehu baalu gordu Gashshoote dieanno. Gordu Gashshoote eannohu Anni'ya yiinore wonshannoho.

MAARQOOSI 11:10

Daanni noohu, anninke Daawiti Gashshooti maassamo; iima gordoho hee'rannohura hosaina!» yaanni faarsi.

MAARQOOSI 3:35

Maganu hedinore wonshannohu baalu anera labbaa rodoo'yaati, meyaa rodoo'yaatinna ama'yaati» yiinsa.

LUQAASI 19:11

Mannu konne coye macciishshanni hee'reenna, Yesuusi lede tenne masalo kulinsa. Isi Yerusaalame iilla rahe noo daafira, mannaho Maganu Gashshooti hakkawoyintenni leellannoha lawinonsa.

LUQAASI 19:38

«Mootichu su'minni daanno moote maassaminoho. Keeru gordo, ayirrinyu aliidi gordo iillo!» yitu.

LUQAASI 22:42

«Anna'ya! Ati baxittoro konne qarru finiincho anewiinni hoolie; kayinnilla, ati baxoottori ikkinnina, ani baxoommori ikkoonke» yii.

YOHAANNISI 4:34

Yesuusi qole, «Ane sagale soyinoehu haja wonshatenna loososi guutate.

YOHAANNISI 6:40

Anni'ya hedo, Beettisi widira la"annohunna Beettosi ammanannohu baalu hegere heeshsho afi'ranno gedeeti. Anino goofimarchu barra kayiseemmosi» yii.

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

SOQQAMAASINETE LOOSO 13:22

Saaooli mootimmatenni hoolihu gedensaanni, Daawiti moohisinonsa. Maganu Daawitire kulanni, ‹Wodani'yata wonshannoha, hedo'ya gedeeha Isseyi beetto Daawiti afi'roommo› yiino.

SOQQAMAASINETE LOOSO 21:14

Seejjonke adha giwita, «Maganu yiinohu ikko» yine agurrummo.

SOQQAMAASINETE LOOSO 22:14

Isi qole, ‹Annuwanke Magani isi hedinore afattora, Keeraancho Soqqamaanchosi afattoranna huurosi macciishshattora balaxe doorinohe.

ROOMU SOKKA 12:2

Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

EFESOONI SOKKA 6:6

Maganu hedo wonshannohu Kiristoosi borojji gede ikkinnina, manna hagiirsiisate yitine leellamate soqqansho soqqantinoonte.

QOLASIYAASI SOKKA 1:13

Isi tunsichu gashshooti giddonni fushshe, baxannohu Beettisi gashshooti giddora eessinonke.

QOLASIYAASI SOKKA 1:9

Kunnira, konne coye macciishshinummo barrinni kayinse, ki'nera ayyaanaame egennonninna buuxa baalatenni Maganu hedo afate egenno wonshanno'ne gede huuccanna Magano xa'ma diagurroommo.

UMI TESELONQE 4:3

Maganu halcho, ki'ne qullaawoota ikkitinanni gedeetinna horonta foorretewiinni xeertidhinanni gedeeti.

UMI TESELONQE 5:18

Baalunku coyira galaxxe! Yesuusi Kiristoosinni afidhinoonni heeshshonni Maganu ki'newiinni hasi'ranno coyi konneeti.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 10:36

Maganu hedinore wonshitine aa'nera hexxo uyino'ne coye afi'rate, cincitine agadha hasiissanno'ne.

IBIRAAWOOTA 10:7

Hatte yannara ani, ‹Magano'ya, qullaawa borro giddo anere borreessinoonninte gede, ati hedoottore wonshammora dayommo› yoommo» yii.

IBIRAAWOOTA 13:21

Hedinore wonshate guuta manna ikkitinanni gede, Keeru Magani dancha coye baala qodhisiiso'ne. Hagiirsiisannosire Yesuusi Kiristoosinni ninke widoonni qole asso. Yesuusi Kiristoosira hegere geeshsha ayirrinyu iillosi! Hamii'ni!

UMI PHEEXIROOSI 2:15

Danchumma assatenni balala coye coyi'rannoha hawanya manna coyi'ra hooltinanni gede Maganu fajjooti.

UMI PHEEXIROOSI 4:2

Kunni ka'a gatte noo yanna giddo, maalunnita busha yorto ikkikkinni Maganu hedannore assanni hee'ranno.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 12:10

Hakkunni gedensaanni «Kune gato, wolqanna gashshootu, Maganinkeha ikkino! Mootimmano Kiristoosita ikkitino! Maganinke albaanni hashshanna barra, roduuwanke bushiishannohu tugami.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.