MAATEWOOSI 5:9 - Qullaawa Maxaafa

⁹ Araarsitannori ba'raadhinoreeti; Maganu oosooti yinanninsana.

MAATEWOOSI 5:9 ပူးပေါင်းရင်းမြစ်များ

UMI DUDUWO 12:17

Daawitino insawa shiqqi yee, «Kawiira ha'litinaera danchummate dagginoonniha ikkiro haa'reemo'nena, ninke ledo heedhe. Assoommo'neri nookkiha diini'yara sayissine uyitinaera dagginoonniha ikkiro kayinni akaakkanke Magani afo'ne» yii.

FAARSO 120:6

Keere baxxannokki gosa ledo, lowo geeshsha seeda yanna hee'roommo.

FAARSO 34:12

Heeshsho baxannohunna, dancha seeda diro halchannohu,

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

MAATEWOOSI 5:48

Kunnira, gordu Anni'ne guuta ikkinohura, ki'neno guuta manna ikke!› yeemmo'ne» yii.

LUQAASI 20:36

Sokkaasinete gedeere ikkitanno daafira direyitanno; reyotenni ka'ino daafirano Maganu oosooti.

LUQAASI 6:35

Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

SOQQAMAASINETE LOOSO 7:26

Layinki soodono lamu Israeelooti mimmitu ledo giwantanna afe araarsara hasi're, ‹Ki'ne diroduuwaho, mayira giwantinanni?› yiinsa.

ROOMU SOKKA 12:18

Dandiitiniha ikkiro, ki'ne widiidita mannu baalu ledo keere heedhe.

ROOMU SOKKA 8:14

Maganu Ayyaani hoode hadhannori, Maganu oosooti.

ROOMU SOKKA 8:16

Maganu Ayyaani ninke ayyaani ledo Maganu ooso ikkanke farci'ranno.

ROOMU SOKKA 8:19

Kalaqamu baalu, Maganu ooso la"ate quqquxame agadhe no.

UMI QORONTOOSI 6:6

Mittu ammanaanchi wolu ammanaanchi ledo giwame yoote ammantinokkiri albira maranno?

LAYINKI QORONTOOSI 13:11

Xaate roduuwa'ya keerunni heedhe! Heeshsho'ne biddi assidhe; seejjo'ya adhe. Mimmiti'ne ledo sumuu yiiyye. Keere heedhe; baxillunna keeru Magani ledo'ne hee'ranno.

LAYINKI QORONTOOSI 5:20

Kunnira, Maganu manna ninke widoonni qole woshshanno daafira, ninke Kiristoosi lekkaati. Kunni daafira, «Maganu ledo araaramme!» yine Kiristoosi su'minni huucci'neemmo'ne.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

EFESOONI SOKKA 4:1

Mootichaho soqqama'yanni usuranya ikkoommohu ani Phaawuloosi, woshshama'nera labbino heeshsho heedhinanni gede jawaachisheemmo'ne.

FILIPHISIYUSI SOKKA 4:2

Ki'ne lamenti Ewoodiyanna Siinxiki Mootichunni roduuwa ikkitine, sumuu yitine heedhinanni gede huucci'reemmo'ne.

QOLASIYAASI SOKKA 3:13

Ki'ne ki'neneewa koffi yitinoonni coye baala cincatenni agurre. Kiristoosi agurino'nente gede, ki'neno mimmiti'nera agurre.

IBIRAAWOOTA 12:14

Mannu baalu ledo keere hee'ratenna qullaawoota ikkate jawaatte! Qullaambe nookkiha ayino Kaaliiqa la"a didandaanno.