MAATEWOOSI 5:7 - Qullaawa Maxaafa

⁷ Wolu sao agurtannori ba'raadhinoreeti; insa saono agurranninsana.

MAATEWOOSI 5:7 ပူးပေါင်းရင်းမြစ်များ

LAYINKI SAAMUEELI 17:28

Daawitinna mannisi halallitte gobbara hudidhinota, daafurtinotanna goodhinota affe, xiltuwa maaqquwanna itiilluwa haadhe abbitunsa. Qolteno Daawitiranna ledosi mannira qamade, hayixe, bullee, du'rinshoonni shoye, baaqeela, atara, malawo, burbuxxo, geintonna ge'reewo haadhe abbitunsa.

LAYINKI SAAMUEELI 22:26

Kaaliiqa, ammanaminohehura ati ammanamoottoho; taashshanno manchira ati taashshattoho.

FAARSO 112:4

Maaro, shaqqillenna sumbe afidhinorira danchuullu mannira, tunsichu giddo xawaabbu fulannonsa.

FAARSO 112:9

Buxanete calla aanno; shaqqillisirano dannu dino; wolqanna ayirrinye haraqi'ranno.

FAARSO 18:25

Kaaliiqa, ati ammanamino manchira, ammanamoottohu. taashshanno manchira ati taashshattoho.

FAARSO 37:26

Isi wo'ma woyite callano aanno; liqiissannono; oososino maassantanno.

LAWISHSHA 11:17

Wolootaho shaqqa meessanaa kaa'litanno; mararro hooga kayinni anna umosi gawajjitanno.

LAWISHSHA 11:25

Elannohu duroo'manno; wole duushshannohu duuwanno.

LAWISHSHA 14:21

Manna misha cubboho; buxicho mararannohu maassaminoho.

LAWISHSHA 19:17

Buxanete aannohu Kaaliiqira liqiissanno; Kaaliiqino assino danchummara daware aannosi.

ISAYAASI 57:1

Keeraano reyitanno woyite mayira reyitinoro wodanchannohu dino; Kaaliiqi daggara noo bushanni gatisansara haa'rinonsata buuxannohu dino.

DAANIEELI 4:27

Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

HOOSEI 1:6

Gomeeri layinkimeeshsho godobbe meya beetto iltu. Kaaliiqino Hooseira, «Israeelete mannira kunni ka'a baxille'ya dileellisheemmonsa; diinomaareemmonsa. Kunni daafira beettokkira su'ma, Loruhaama yite fushshi.

HOOSEI 2:1

Kunni daafira labballo roduuwa'ne Israeeloota, Aami yiiyye. Meya roduuwa'ne, Ruhaama yitine woshshensa.

HOOSEI 2:23

Manna'yano baattote aana wixeemmo; duroo'mitanno gedeno asseemmonsa; «Maaro nookkireeti» yinoonnire maareemmonsa. «Manna'ya di"ikkitinoonni» yinoonnire, manna'yaati yeemmonsa. Insano, «Ati Maganonkeeti» yitannoe.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

MAARQOOSI 11:25

Gordoho noohu Anni'ne cubbo'ne aguranno'ne gede, Magano huuccidhinara ka'inanni woyite, mannaho amaddinoonni koma agurre.

LUQAASI 6:35

Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

ROOMU SOKKA 11:30

Ki'ne Daga, alba Maganoho dihajajantinannireeti; xa kayinni Ayihude hajajama hoogginohunni ki'ne Maganu maaro afidhinoonni.

UMI QORONTOOSI 7:25

Adhantinokkiri daafira Mootichuwiinni adhoommo hajajo dinoe. Ikkirono, Mootichu maaronni addaxxinanniha ikkoommo daafira, hedoommore coyi'reemmo.

LAYINKI QORONTOOSI 4:1

Tenne soqqansho Maganu maaronni afi'noommo daafira wolqa diba'neemmo.

EFESOONI SOKKA 4:32

Mimmiti'nera shaqqaddanna shooshaqoota ikke; Maganu Kiristoosinni cubbo'ne agurino'nente gede, ki'neno mimmiti'ne sao agurre.

QOLASIYAASI SOKKA 3:12

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

UMI XIMOOTEWOOSI 1:13

Kunni albaanni Kiristoosa xonoommosiha, xiiwoommosihanna shollishoommosiha ikkiro nafa, isi kayinni sao'ya agurinoe. Sao'ya agurinoehu, ani konne baala assoommohu afa hoogatenninna ammana hoogatenni ikkinota afinohuraati.

UMI XIMOOTEWOOSI 1:16

Ikkollana sao'ya agurroonnie; sao'ya agurroonniehuno, Yesuusi Kiristoosi dannu nookki garinni baalunkunni roore cubbaataamo ikkoommohure anere cince, iso ammante hegere heeshsho afidhannorira lawishsha ikkeemmo gedeeti.

IBIRAAWOOTA 4:16

Maaro adhatenna hasiissanno yannara kaa'litannonke elto afi'rate, elto noowa ayirradu Maganu barcimiwa ruxxi yinummokkinni shinqo.

IBIRAAWOOTA 6:10

Maganu halaalaancho yoo yaannoho; looso'nenna albano ikko xaano qullaawa manna kaa'latenni leellishshinoonnisi baxille dihawanno.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.

YAIQOOBI 3:17

Gordu egenno kayinni umonni xalalate. Qolteno keere baxxannote, ga'labbittete, owaatate, sao agurtannote, danchu gumi giddo wo'minote, godowa hosanna awaawurshu nookkite.

UMI PHEEXIROOSI 2:10

Ki'ne alba Maganu manna di"ikkitinoonni; xa kayinni Maganu mannaati. Alba maaro diafidhinoonnireeti; xa kayinni maaro afidhinoonni.