MAATEWOOSI 5:4 - Qullaawa Maxaafa

⁴ Yaaddannori ba'raadhinoreeti; jawaante afidhannona.

MAATEWOOSI 5:4 ပူးပေါင်းရင်းမြစ်များ

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

ISAYAASI 30:19

Ki'ne Yerusaalamete manni, xaate kunni ka'a diwi'litinanni; Kaaliiqi shaqqado ikkino daafira kaa'lanno'ne gede huuccidhinanni yannara macciishshe dawaranno'ne.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 57:18

«Ani loosonsa baala afoommo; ikkirono hurseemmonsa; massageemmonsa; galattannoe gede dadillitannori wodanano diggi asseemmo. Mulenna xeertote noorira keere eemmo; manna'yano hurseemmo.

ISAYAASI 66:10

Yerusaalame baxxinanniri tashshi yoo'ne! Ise daafira wi'litinanniri ledose hagiidhe!

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

HIZIQEELI 7:16

Mitu mitu lagichu giddonni baraganno lembooli gede, ilaalla hige xooqanno; baalunku cubbinsa daafira wi'litanno.

HIZIQEELI 9:4

«Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

LUQAASI 16:25

«Abirihaami qole, ‹Beetto'ya, ati uullate aana hee'ritto diro baala hagiidhitanni hee'roottota qaagi. Aliaazaari kayinni qarru giddo hee'rino. Xa kayinni isi hagiidhanna ati qarramatto.

LUQAASI 6:21

Ki'ne xa hudidhinanniri, gedensaanni duubbinanni daafira ba'raadhinoonnireeti. Ki'ne xa wi'litinanniri, gedensaanni oso'litinanni daafira ba'raadhinoonnireeti.

LUQAASI 6:25

Xa duubbinoonniri, gedensaanni hudidhinanni daafira, ki'nera aanne'e. Xa oso'litinanniri, gedensaanni dadillitinanninna wi'litinanni daafira, ki'nera aanne'e.

LUQAASI 7:38

Yesuusira badheenni lekkasi mule uurrite wi'litanni lekkasi hindiiddotenni shanshite, umise dananchinni fiite lekkasi sunqitanni aanaho shitto duntu.

LUQAASI 7:50

Yesuusi kayinni manchote, «Ammanakki gatissinohena keerunni ha'ri» yiise.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YOHAANNIS AJUUJA 21:4

Hindiiddo baala illensanni feyanno; albi ikkito sa'ino daafira, reyo woy dadillu woy wi'la woy shetto kunni ka'a diheedhanno» yitannoti lowo huuro fultanna macciishshummo.