MAATEWOOSI 5:30 - Qullaawa Maxaafa

³⁰ Qiniiticho angakki cubboho eessitannoheha ikkiro murte huni. Mannimmakki baala gaannaamete giirara tugantantenni mannimmakki giddonni mitte anga hoogittoro woyyate» yiinsa.

MAATEWOOSI 5:30 ပူးပေါင်းရင်းမြစ်များ

MAATEWOOSI 11:6

Anere huluullamannokkihu ba'raa'rinoho» yee qolinsa.

MAATEWOOSI 13:21

Ikkollana, yannate geeshshaati ikkinnina rumushsho diassi'rino. Maganu qaali daafira qarrunna xiiwama iillitannosi woyite hakkawoyintenni gufi're uwanno.

MAATEWOOSI 16:23

Yesuusi kayinni caaqqi yee Pheexiroosi, «Ati Sheexaanu muli'yanni ho'li! Ati mannunnita ikkinnina Maganunnita hedattokki daafira ati anera gufichoho» yiisi.

MAATEWOOSI 17:27

Kayinnilla insa ninkenni gufidhannokki gede, hadhe baaru giddo woshshaado tugi; umo assite amadatto qulxu'michi afoo fanittoro, giddosi woxe afi'ratto. Hakkonne massite anehanna ateha uyi» yiisi.

MAATEWOOSI 18:8

Kunnira, angakki woy lekkakki cubboho massitannoheha ikkiro murte huni! Lame anga woy lame lekka heedheennahe xo'annokkitera hegere giirara tugamattonkunni, mitte angaha woy mitte lekkaha ikkite hegere heeshshowa ea woyyitannohe.

MAATEWOOSI 22:13

Moote soqqamaanosira, ‹Anganna lekka usurtine gobba tunsichoho fushshitine tugge; hakkiicho wi'lanna suume ita agartannosi› yiino» yii.

MAATEWOOSI 25:20

«Onte kume adhi soqqamaanchi daye, ‹Mooticha'ya, ati onte kume birra oottoe; kuneeti, ani daddale onte kume ledoommo› yii.

MAATEWOOSI 26:31

Yesuusi lede rosaanosira, «‹Allaalaancho ganeemmo; ge'reewuno billaallanno› yine borreessinoonnina, techo hashsha ki'ne baalunku kaaddinannie.

MAATEWOOSI 5:22

Ani yeemmo'neti kayinni: rodiisira hanqanno baalira yoo yinanni. Qoleno rodoosi, ‹Tidhoottori nookkihu› yee xonannohu baalu songote albira shiqeenna aanasi yoo yinanni. ‹Mullu gowwi› yee xonannohano gaannaamete giira agartannosi.

MAATEWOOSI 5:29

Kunnira qiniiticho illekki cubboho massitannoheha ikkiro fushshite huni. Mannimmakki baala gaannaamete giirara tugantantenni mannimmakki giddonni mitte ille ba'uro woyyate.

MAARQOOSI 9:43

Kunnira, angakki cubboho massitannoheha ikkiro murte huni! Lame anga heedheennahe xo'annokkita gaannaamete giira eattonkunni, mitte angaha ikkite, heeshshonniwa ea woyyitannohe.

LUQAASI 12:5

Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje!

LUQAASI 17:2

Kuri shiimmaaddu giddonni mitto sarraaqankunni daamma haxote usudhe baaru giddo bairo woyyate.

ROOMU SOKKA 9:33

Kunino, «Kuneeti Tsiyooni kincho woreemmo. Kuni kinchi, manna gufi'ranno gede assanno; manna gane karanno. Ikkollana iso amma'nannohu disaalfatanno» yine borreessinoonni gedeeti.

UMI QORONTOOSI 8:13

Iteemmo sagale rodoo'ya sarraaqqe tuggannoha ikkiro, rodoo'ya cubboho tugammontenni maalu horo gatoe.

GALATIYU SOKKA 5:11

Roduuwa'ya! Ani xaa geeshsha, «Barcima hasiissanno» yaanni kuleemmo'neha ikkoommero, digimboonnie. Hatto yoommoha ikkoommero, Kiristoosi sutama mannaho guficho di"ikkitanno.

UMI PHEEXIROOSI 2:8

Qolleno, «Kuneeti gufi'nanni kinchi, mannu gufi're uwannohu jawu kinchi» yinoonni. Insa qaale ammana hoogansanni gufidhino; insa albanni tennera gaamantinoreeti.