MAATEWOOSI 5:3 - Qullaawa Maxaafa

³ «Ayyaanunni buxxinori ba'raadhinoreeti; gordu gashshooti insahona.

MAATEWOOSI 5:3 ပူးပေါင်းရင်းမြစ်များ

LAYINKI DUDUWO 33:12

Minaase shetto batidhusita, lowo geeshsha umosi shollishe Maganisi Kaaliiqiwa hige kaa'lannosi gede huucci'ri.

LAYINKI DUDUWO 33:19

Minaase Kaaliiqa huucci'rino huuccatto, Kaaliiqi qolinosi dawaro, aagintaawara albaanni loosino cubbi, loosinoti addi addi bunshe, isi seekkinoti dagate maganna magansi'nanni darguwanna Asheera mokkollonna magansi'ranno maganna baala himanaanote dhagge amaddino maxaaffara borreessante no.

LAYINKI DUDUWO 33:23

Annisi gede gaabbe umosi shollishe Kaaliiqiwa higara dihasi'rino. Annisihunni roorino cubbo loosino.

LAYINKI DUDUWO 34:27

Ani Yerusaalamenna giddose noo manna qorichisheemmo gara macciishshitto yannara, umokki shollishshe dadillunni uddanokki darte wi'litanni aagintaawootto. Kunnira huuccattokki macciishshoommo.

LAYINKI DUDUWO 7:14

su'mi'yanni woshshaminohu manni'ya umonsa shollishe huucci'riro, eegamironna bunshetewiinni gaabbe higiro, gordoho hee're macciishsheemmonsa. Cubbonsano agureemmo; baattonsano hurseemmo.

IYYOOBI 42:6

Kunnira, coyi'roommo coyi baalu, ane umo'ya saalfachishinoe. Kunni daafira, buluulunna bukote aana ofolle aagintaaweemmo» yii.

FAARSO 1:1

Bushuullu amaale adhannokkihu, cubbaataammu doogo aanna uurrannokkihunna, haariimaasine hossannowa hosannokkihu ba'raa'rinoho.

FAARSO 112:1

Kaaliiqira galatu iillosi; Kaaliiqa ayirrisannohunna hajajosi wonshatenni hagiidhanno manchi, hiitto ba'raa'rinoho!

FAARSO 128:1

Kaaliiqa ayirrissannorinna hajajosi agadhitannori, ba'raadhinoreeti.

FAARSO 146:5

Yaiqoobi Magani kaa'laanchosi ikkinosihuranna, Maganosi Kaaliiqa hexxino manchira tashshi yoosi.

FAARSO 2:12

Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO 34:18

Kaaliiqi dadillunni hiiqqantinorira mule noonsa; hexxo hoogginore gatisannonsa.

FAARSO 41:1

Gadadaammu daafira xissiisi'rannohu ba'raa'rinoho; Kaaliiqi qarru barra gatisannosi.

FAARSO 51:17

Magano ati baxatto kakkalo heeshshi yiino wodanaati; heeshshi yiinohanna atewa higino wodana dimishatto.

FAARSO 84:12

Olantote Kaaliiqa! Ate hexxitannori baraadhinoreeti.

LAWISHSHA 16:19

Boonaleeyyete ledo mulqi'noonnire beeqqantenni, gadadantinori ledo umo heeshshi yine hosa woyyitanno.

LAWISHSHA 29:23

Boonaleessu manchi shollanno; umosi heeshshi assannohu kayinni ayirranno.

LAWISHSHA 8:32

«Xa ki'ne ooso'ya, macciishshe"e; seejjo'ya macciishshitannori baraadhinoreeti.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

MAATEWOOSI 11:25

Hatte yannara Yesuusi, «Gordunna baattote Mooticha Anna'ya, konne coye hayyooletenna egennaammaho golte qaaqquulleho leellishootto daafira galaxxeemmohe.

MAATEWOOSI 11:6

Anere huluullamannokkihu ba'raa'rinoho» yee qolinsa.

MAATEWOOSI 13:16

Ille'ne la'annohuranna macca'ne affanno daafira ki'ne ba'raadhinoonnireeti.

MAATEWOOSI 19:14

Yesuusi, «Gordu Gashshooti insa gedeerihona, qaaqquullu anewa dayona hooltinoonte!» yii.

MAATEWOOSI 24:46

Mootichisi daanno yannara, hatto assanni hee'reenna afannosi soqqamaanchi ba'raa'rinoho.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 8:11

Lowo manni soojjaatinna galchiminni daanno; gordu Gashshooti jilira Abirihaami, Yisihaaqinna Yaiqoobi ledo ofollanno.

MAARQOOSI 10:14

Yesuusi konne coye afe hanqe rosaanosi, «Maganu Gashshooti kuriuu gedeerihona, qaaqquullu anewa dayona hooltinoonte!

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

LUQAASI 18:14

Kuleemmo'nena, keeraa'me minisira higinohu hakkonne qaraxaasinchooti ikkinnina Farisicha di"ikkino. Umosi gotti assannohu baalu heeshshi yaanno; umosi heeshshi assannohu kayinni gotti yaanno» yiinsa.

LUQAASI 22:29

Kunnira anni'ya ane shoominte gede, anino ki'ne shoomeemmo'ne.

LUQAASI 22:30

Gashshooti'ya giddo ane ledo ofoltine ittinanninna agginanni; ayirradu barcimira ofoltine tonaa lamente Israeelete ga'rera yoo yitinanni» yiinsa.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

YOHAANNISI 20:29

Yesuusi Toomaasira, «Ati laoottoe daafira ammanootto; la'uekkinni ammantannori maassantinoreeti» yii.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.

YAIQOOBI 1:10

Mannu jiro daraarchu gede giggiltanno daafira hee'ranno heeshshonni aliidiha ikkinohu amma'nate rodii, Maganu heeshshosinni woriidiha assisirono tashshi yoosi.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

YOHAANNIS AJUUJA 19:9

Hakkunni gedensaanni sokkaasinchu, «‹Ge'rechu jili hurbaatira woshshantinori ba'raadhinoreeti› yite borreessi!» yiie. Lede, «Tini halaalaancho Maganu sokkaati» yiie.

YOHAANNIS AJUUJA 22:14

Heeshshote haqqicho laalo itatenna waalchuwate widoonni hige katama ea dandiitanno gede, uddanonsa hayishshidhannori ba'raadhinoreeti.

YOHAANNIS AJUUJA 3:17

«Ani dureessaho; lowo jiro nooe; xeinoeri mitturino dino» yaatto. Gadadaamo, hawaaxama, buxicho, illiweelonna mullicho ikkoottota kayinni diafootto.