MAATEWOOSI 5:19 - Qullaawa Maxaafa

¹⁹ Tenne hajajo giddonni mitte hooffayidita diigannohunna woleno hunanno gede rosiisannohu baalu, gordu Gashshootira hooffayidiha ikkanno. Hajajo baalanta wonshannohunna wolu mannino wonshanno gede rosiisannohu kayinni, gordu Gashshootira roore ikkanno.

MAATEWOOSI 5:19 ပူးပေါင်းရင်းမြစ်များ

FAARSO 119:128

Kunnira wogakki baala agadheemmo; so'rote doogo baala giweemmo.

FAARSO 119:6

Hajajokki baala seekke agadhummoro, saalu horonta diamadannoe.

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

MAATEWOOSI 11:11

Halaale kuleemmo'nena, baattote aana ilamino manni giddo Cuuaancho Yohaannisi roorannohu dino. Gordu Gashshootira kayinni woriidiha ikkinohu roorannosi.

MAATEWOOSI 19:28

Yesuusi, «Halaale kuleemmo'nena, Manchi Beetti ayirrinyu barcimira ofollannowa haaro gobbara ane hoode hadhinanniri, ki'neno tonaa lamu ayirrinyu barcimira ofoltinanni; tonaa lamente Israeelete ga'rera yoo yitinanni.

MAATEWOOSI 20:26

Ki'ne giddo kayinni hattoo coyi dihasiisanno. Wo'munkura aliidiha ikka hasi'rannohu, soqqamaancho'ne ikko.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

LUQAASI 1:15

Isi Mootichu albaanni jawa ikkanno. Woyinete xajjenna wole dimbisanno agono diaganno. Amasi godowi giddo hee'reennanni Qullaawu Ayyaani wo'mannosi.

LUQAASI 11:42

«Ki'ne Farisootaho aanne'e! Afuduudu, sunkurtunna shaanu giddonni tonnunni mitte anga uyitinanni; wole widoonni kayinni Maganu baxillenna halaale agurtinoonni. Hakkoreno agurtinikkinni konne coyeno agara hasiissanno'ne.

LUQAASI 9:48

Rosaanosira, «Konne qaaqqo su'mi'yanni adhannohu aneno adhanno. Ane adhannohu, ane calla ikkummokkinni ane soyinoehano adhanno. Ki'ne giddo wo'munkura woriidihu baalunkura rooriidiha ikkanno» yiinsa.

SOQQAMAASINETE LOOSO 1:1

Tewofiloosi: Umi borro'yara Yesuusi loosinorenna rosiisinore baala borreessoommo. Borreessoommohu Yesuusi loososi hanafihunni kayise,

ROOMU SOKKA 3:8

Mitu mitu, «Danchare afi'neemmo gede busha coye assino» yaanni rosiiseemmohu gede assite su'ma huntannoe. Insa aana yinanni yoo garaho.

ROOMU SOKKA 6:1

Xa ma yineemmo? Maganu elto batidhanno gede cubbo loonsoommo gedeenni hee'no?

ROOMU SOKKA 6:15

Xa ma yineemmo? Seeru anganni fulle eltote anga hee'noommo daafira, cubbo loonsoni? Horonta dee'ni!

MARRO 12:32

«Ani hajajummo'nere baala agadhe; leddinoonte; xeissinoonte.

MARRO 27:26

«Kunni seerira gobbaanni ikkannohu rumaminoha ikko. Mannu baalunku, ‹Eewanni ikko!› yoo.

UMI XIMOOTEWOOSI 6:11

Maganu mancho! Ati kayinni kunni baalu coyiwiinni xooqi; keeraanchimma, ayyaanaame heeshsho, ammana, baxille, cinca, arshimma ha'runsi.

TIITO 3:8

Kuni hawaqi'nanni qaaleeti. Magano amma'nino manni danchu loosira jawaatanno gede, konne coye baala seekkite huwachishattora hasi'reemmo. Kuni coyi danchahonna mittu mittunku manchira kaa'lannoho.

UMI PHEEXIROOSI 5:4

Konne coye agadhitiniro, Qaru Allaalaanchi daanno yannara ba'annokkita ayirrinyu ba'latto adhitinanni.

UMI YOHAANNISI 3:4

Cubboho yaa Maganu Seera diigate; cubbo loosannohu baalu Maganu Seera diiganno.

YOHAANNIS AJUUJA 2:20

Ikkollana mittu misheemmohe coyi no. Hakkuno, «Ani himanaanchote» yitannota Eelzaabeeli sammi yite agurootto; ise soqqamaano'ya foortannonna kaphu magannara kakkalloonni sagale ittanno gede assite so'risiissanno manchooti.

UMI SAAMUEELI 2:30

« ‹Ani Israeelete Magani Kaaliiqi, minikkinna ilamakki hegerera soqqantannoe yee hexxoommo. Xa kayinni dihasi'reemmo'ne. Ani ayirrissannoere ayirriseemmo; mishshannoerino mishantanno.