MAATEWOOSI 5:16 - Qullaawa Maxaafa

¹⁶ Mannu dancha looso'ne lae gordu Anna'ne galatanno gede, caabbichi'ne mannu albaanni xawo» yii.

MAATEWOOSI 5:16 ပူးပေါင်းရင်းမြစ်များ

FULO 34:35

Israeelete manni xawinoha Muse alba la"anno; isi qole Kaaliiqi ledo hasaawara ha'ra geeshsha albasi diphanno.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

ISAYAASI 58:8

Hatto assitiniro caabbichi'ne bakkalchu gede ikke xawanno; hurreno rakke dagganno'ne. Halaalaanchimma'ne alba'neenni hadhanno; Kaaliiqi ayirrinyino badheenni hee're agaranno'ne.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

MAATEWOOSI 23:5

Assitannore baala mannu la"ansara yite assitanno. Quraama gowisiisidhanno; huuccattote uddanonsa handaara seedisidhanno.

MAATEWOOSI 23:9

Gordoho mittu Anni callu noo'ne daafira baattote aana mittono, ‹Annanke› yitine woshshitinoonte.

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

MAATEWOOSI 6:16

Yesuusi, «Qatuntine huuccidhinanni woyite, qatunte huucci'ransa mannu afansara yite bullitanno lawisiisaano gede alba bullitinoonte. Halaale kuleemmo'nena, insa loosinsa guma adhite ka'ino.

MAATEWOOSI 6:9

Kunnira ki'ne, ‹Annanke Gordoho hee'rattohu, su'mikki qullaawa ikko.

MAATEWOOSI 9:8

Mannu tenne ikkito lae dhaggeeffate, mannaho togoo roorre uyino daafira Magano galati.

LUQAASI 11:2

Yesuusi qole, huuccidhinanni woyite, « ‹Annanke gordoho hee'rattohu, su'mikki qullaawa ikko. Gashshootikki dayo;

YOHAANNISI 15:8

Batinye guma laaltiniro, kunninni Anni'ya ayirranno. Ki'neno ane rosaano ikkitinoonnita anfanni.

SOQQAMAASINETE LOOSO 9:36

Iyophe Xabita yinanniti mitte ammanaancho no. Su'mise tiro Giriikete afiinni Dorqaati; hatto yaano bulaate yaate. Ise wo'manka woyite dancha looso loossanni buxane kaa'litanno.

UMI QORONTOOSI 14:25

Wodanaho go'le noonsa coyino xawannonsa; alba higge kumbuulte, «Halaalinta Maganu ki'ne ledo no» yite Magano magansidhanno.

LAYINKI QORONTOOSI 9:13

Kiristoosiha Dancha Duduwo ammantine, insaranna wolootaho leellishshinoonni shooshanqenna fonqolante sa'ino soqqansho'nenni kainohunni baalunku Magano galatanno.

GALATIYU SOKKA 1:24

Anenni kainohunni Maganono galattu.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

EFESOONI SOKKA 5:8

Ki'ne alba tunsichoho heedhinoonni; xa kayinni Mootichunni heedhinoonni. Kunnira, xawaabbu giddo hee'ranno manni gede ikkitine heedhe.

UMI TESELONQE 2:12

Wo'manka woyite jawaachinshanni'nenna sheshifachinshanni'ne, gashshootesinna ayirrinyesi beeqqitinara woshshino'ne Magani hagiidhanno garinni heedhinanni gede xixxiimbeemmo'neta egentinoonni.

UMI XIMOOTEWOOSI 2:10

Magano magansi'neemmo yaanno meenti dancha looso loosatenni seesona.

UMI XIMOOTEWOOSI 5:10

Oososeno danchu garinni lossi'rate, wosina adhate, keeraanote lekka hayishshate, qarrantinore kaa'latenna dancha looso baala loosate diinaggaabbannota ikka hasiissanno.

UMI XIMOOTEWOOSI 5:25

Danchu loosi xawoho no; xawe leellinokkihuno go'le digatanno.

UMI XIMOOTEWOOSI 6:18

Qolteno dancha looso loossanni dureeyye ikkitara, aatenna afidhinore woleho iillishi'rate qixxaabbanno gede hajajinsa.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

TIITO 2:7

Atino dancha coye assitanni, baalunku coyira lawishsha ikkinsa. Rosiisatto rosinnino halaalaanchimmanna sirnyaawa leellishinsa.

TIITO 3:14

Ninke mannino gumiweele gatannokki gedenna heeshshote qarra tidha dandaanno gede, dancha looso loosa rosona.

TIITO 3:4

Gatisaanchinke Maganu shooshanqenna manna baxasi leeltu yannara kayinni,

IBIRAAWOOTA 10:24

Baxille afi'ratenna dancha looso loosate mimmitonke kakkayinso.

UMI PHEEXIROOSI 2:12

«Bunshe assitannoreeti» yite he'mitu'nerono, Maganu towatankera daanno barra ammantinokkiri dancha looso'ne la'e Magano galattanno gede, insa ledo heedhinanni yannara danchu amanyooti heero'ne.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI PHEEXIROOSI 3:1

Ki'ne meentu, galte'nera hajajamme! Kunni garinni mitu mitu Maganu qaale ammana hooggurono, qaale affukkinni meentinsa amanyoote la'e tenne heeshshowa gamba yaa dandiitanno.

UMI PHEEXIROOSI 3:16

Qoltinanni dawaro kayinni shaqqillunnitanna owaantennita ikkito; Kiristoosire ikka'nenni danchu akati'nera sabba buurtannori, bunshe coyi'ransara saalfattanno gede, danchu tii"i hee'ro'ne.

UMI PHEEXIROOSI 4:11

Rosiisannohu, Maganu qaali garinni rosiiso. Soqqamannohuno Maganu aannosi wolqa garinni soqqamo. Kunni garinni, Maganu Yesuusi Kiristoosi widoonni baalunku coyinni galatamanno; ayirrinyunna roorre hegere hegerera isira ikkito. Hamii'ni!

UMI PHEEXIROOSI 4:14

Kiristoosira yitineenna xonni'nero, ayirradu Maganu Ayyaani aana'ne fooliishshi'ranno daafira tashshi yoo'ne.