MAATEWOOSI 5:12 - Qullaawa Maxaafa

¹² Gordu gashshootira lowo waaga afidhinanni daafira tashshi yoo'ne; hagiidhe. Ki'nera albiidi himanaanono hatto xiiwamanna qarra iillishshinonsa» yaanni rosiisa hanafi.

MAATEWOOSI 5:12 ပူးပေါင်းရင်းမြစ်များ

KALAQAMA 15:1

Hakkunni gedensaanni Kaaliiqi Abiraamira ajuujatenni, «Abiraami! Waajjitooti; wonqo ikke dano baalantenni agareemmohe; lowo maassono eemmohe» yaanna macciishshi.

UMI MOOTOOLLA 18:13

Elzaabeeli Kaaliiqi himanaano shiishiishshu waro, 100 himanaano 50, 50 asse lamewa beehe godu giddo maaxe sagalenna waa aanni towatoommota dimacciishshootto?

UMI MOOTOOLLA 18:4

Elzaabeeli Maganu himanaano shiishiishshu yannara Abidiyu, 100 himanaano 50, 50 asse lamewa beehe godu giddo maaxe sagalenna waa aanni towatinonsa.)

UMI MOOTOOLLA 19:2

Iseno, «Ateno ga'a tenne yannara tenne himanaano assitto gede assa hoogummahero, aneno maganna shitoe» yite Eeliyaasira sokka sokku.

UMI MOOTOOLLA 21:20

Akiaabi Eeliyaasi afiti, «Baarigaara'ya afi'rittoeni?» yii. Eeliyaasino, «Kaaliiqi giwanno coye assate umokki sayisse hirootto daafira, eewanni afi'roommohe.

UMI MOOTOOLLA 22:8

Akiaabino, «Mittu Yimila beetti Mikaya yinannihu noona, isi anera bushare ikkinnina danchare himanannokki daafira iso dibaxeemmo» yii. Iyosaafiixi qole, «Hatto yitooti!» yiisi.

LAYINKI MOOTOOLLA 1:9

Hakkunni gedensaanni moote mitto olu roorricha 50 manni ledo ha're Eeliyaasi abbanno gede soyi. Olu roorrichino Eeliyaasi mittu gaari aana ofolle nooha afe, «Maganu mancho! Moote, ‹Dirrite kawa amo!› yiinohe» yiisi.

LAYINKI DUDUWO 16:10

Kuni coyi hanqisinosi daafira Aasa himanaancho usurinosi. Hatte yannanni kayise Aasa mito mito manna shetisa hanafi.

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

FAARSO 19:11

Seerikki ane soqqamaanchokki qorophisiisannoe; agadha'yannino lowo ba'raa'ra afi'reemmo.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

LAWISHSHA 11:18

Busha mancho gamba assi'rannori dikaa'lannosi; keeraanchu kayinni halaalu woxe afi'ranno.

ISAYAASI 3:10

Keeraano dancha loosinsa laalcho ittanno daafira, «Baraadhinoonni» yiiyyensa.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 26:8

Kaaliiqi kulinoere baala coyi're gudanni hee'reennanni, «Ati shinanniho!

ERMIYAASI 37:14

Anino, «Dee'ni, ati yaatto gede ani Baabiloonootunniwa ba"anni noommoha di"ikkoommo» yoommo. Isi kayinni ani yoommota macciishsha giwe amade masse gashshaanote uyinoe.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 6:16

Yesuusi, «Qatuntine huuccidhinanni woyite, qatunte huucci'ransa mannu afansara yite bullitanno lawisiisaano gede alba bullitinoonte. Halaale kuleemmo'nena, insa loosinsa guma adhite ka'ino.

LUQAASI 13:34

«Yerusaalame, Yerusaalame, himanaano shaattati, atewa sonkoonnireno kinnatenni awwaalattati, lukkicho caacurrese qoolise giddo hanqafidhannohu gede, oosokki me"e hige hanqafammora hasi'rummo. Atinna mannikki kayinni dihasidhinoonni.

LUQAASI 6:23

Gordoho lowo ba'raa'ra afidhinanni daafira tashshi yoo'ne; hagiidhe. Ki'nera albiidi himanaanorano hattoo bunshe iillishshinonsa.

LUQAASI 6:35

Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

SOQQAMAASINETE LOOSO 16:25

Hashshu taalootira Phaawuloosinna Silaasi huuccattotenninna faarsotenni Magano galaxxitanna, wolu usuranyino macciishshi.

SOQQAMAASINETE LOOSO 5:41

Soqqamaasine kayinni Yesuusi su'mira yite shollinye adha hasiissannonsata egentino daafira, tashshi yaannansa songote albinni fulte hadhu.

ROOMU SOKKA 5:3

Kunni callunni ikkikkinni, qarrunni cinca afi'neemmo daafira, qarranke hagiirrunni adhineemmo.

UMI QORONTOOSI 3:8

Kaasihunna waa hayikkisihu lamunku mittoholla. Mittu mittunku loosisi garinni daafurisi guma adhanno.

LAYINKI QORONTOOSI 4:17

Kuni shetisannonkehu shiimu sa"anno qarri, hakko qarrira aliidiha dhaggeeffantanniha hegere ayirrinye haa're daannonke.

FILIPHISIYUSI SOKKA 1:29

Tenne kaayyo uyinoonni'nehu, Kiristoosa ammana callate ikkikkinni, isi daafira yitine qarra adhitinanni gedeeti.

FILIPHISIYUSI SOKKA 2:17

Maganoho ammanatenni shiqishshinanni kakkalonna soqqansho gede, ane mundee lexxite du'nantoommero nafa, ki'ne baalunku ledo hagiidheemmo.

QOLASIYAASI SOKKA 1:24

Xa ki'ne daafira yee adheemmo qarrinni tashshi yaannoe. Bisosi ikkitino beetekiristaanera Kiristoosi qarra beeqqatenni xeinoere maali'yanni wonsheemmo.

QOLASIYAASI SOKKA 3:24

Mootichuwiinni iqqa ba'raarshu gede assitine adhitinannita affinoonni. Soqqantinannihu Mootichu Kiristoosiraati.

UMI TESELONQE 2:15

Ayihude, Mooticha Yesuusanna himanaano shite, ninkeno shorrite gobbatenni fushshitinonke. Insa Magano dadillissannoreetinna manna baala gibbannoreeti.

IBIRAAWOOTA 10:34

Ki'ne gordoho woyyaabbinotinna hegere jiro noo'neta affinoonni daafira, usuranyootu ledo qarrantinoonni. Jajja'neno wolqatenni adhinanna cincitine hagiirrunni sa'inoonni.

IBIRAAWOOTA 11:26

Albillitte adhara noo ba'raa'ra buuxe laino daafira, Gibitsete jironni roore Kiristoosi daafira mishama roore jiro ikkitinota hedi.

IBIRAAWOOTA 11:33

Insa amma'natenni mootoolla qeeltino; dagano taashshite gashshitino. Uyinoonninsata addi addi hexxono afidhino; doobbiyu afoono cuffino.

IBIRAAWOOTA 11:6

Amma'na nookkiha Magano hagiirsiinsara didandiinanni; mayira yiniro, Maganunniwa shiqqi yaanno manchi Maganu nootanna iso hasi'ranno mannirano ba'raa'ra aannota ammana hasiissannosi.

YAIQOOBI 1:2

Roduuwa'ya! Addi addi jifama iillitu'nero, tashshi assanno coye afidhinoonnihu gede assitine kiirre.

YAIQOOBI 5:10

Roduuwa'ya! Mootichu su'minni coyidhino himanaano, cincite qarra adhatenni lawishsha ikkitinota affe.

UMI PHEEXIROOSI 4:13

Hatteentenni, ayirrinyisi leellanno waro lowo geeshsha tashshi yaanno'ne gede, Kiristoosi qarra beeqqitinanni deerrinni hagiidhe.

RUUTI 2:12

Assootta coyi baalunkura Kaaliiqi maassi'rohe; qoolisi giddo amadahera dayottahu Israeelete Magani Kaaliiqi ba'raa'ra oohe» yiise.