MAATEWOOSI 5:10 - Qullaawa Maxaafa

¹⁰ Keeraanchimmate daafira xiiwantannori ba'raadhinoreeti; gordu gashshooti insahona.

MAATEWOOSI 5:10 ပူးပေါင်းရင်းမြစ်များ

FAARSO 37:12

Bushu manchi keeraanchoho busha malanno; mulla kae suume ga'mi'ranno.

ISAYAASI 66:5

Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

MAATEWOOSI 10:23

Mittu katamira qarrissu'nero, wole katama xooqqe. Halaale kuleemmo'nena, Manchi Beetti galagale higa geeshsha Israeelete katamma baala dituqqinanni.

MAATEWOOSI 19:14

Yesuusi, «Gordu Gashshooti insa gedeerihona, qaaqquullu anewa dayona hooltinoonte!» yii.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAATEWOOSI 5:3

«Ayyaanunni buxxinori ba'raadhinoreeti; gordu gashshooti insahona.

MAARQOOSI 10:14

Yesuusi konne coye afe hanqe rosaanosi, «Maganu Gashshooti kuriuu gedeerihona, qaaqquullu anewa dayona hooltinoonte!

MAARQOOSI 10:30

roore afi'ranno. Xiiwanturo nafa, tenne yannarano mine, labbaa roduuwa, meyaa roduuwa, amuuwa, oosonna gate agarannohu xibbe ero afi'ranno; dagganno yannarano hegere heeshsho afi'ranno.

LUQAASI 21:12

Kuni baalu ikkara albaanni kayinni amaddanno'ne; gadadissanno'ne; xaadu miniranna usuru minira sayisse uyitanno'ne. Ane daafira yitineenna gashshaanotenna mootoollate albira massitanno'ne.

LUQAASI 22:29

Kunnira anni'ya ane shoominte gede, anino ki'ne shoomeemmo'ne.

LUQAASI 6:20

Yesuusi rosaanosi widira hige lae, «Maganu Gashshooti ki'neha ikkino daafira, ki'ne buxane ba'raadhinoonnireeti.

LUQAASI 6:22

«Ane Manchi Beettinni kainohunni mannu giwi'nero, giddonsanni fushshe huni'nero, mishi'neronna su'ma'ne bushatenni kayisiro ba'raadhinoonnireeti.

YOHAANNISI 15:20

‹Faantichu mootichasi dirooranno› yuummo'neta habbinoonte. Ane xiibbunte gede, ki'neno xiibbanno'ne. Ane qaale wonshituro, ki'ne qaaleno wonshitanno.

SOQQAMAASINETE LOOSO 5:40

Hakkunni gedensaanni soqqamaasine insawa woshshite lichetenni gansiisse, layinkita Yesuusi su'minni coyidhannokki gede hajajje agurtunsa.

SOQQAMAASINETE LOOSO 8:1

Saawuli Isxifaanoosi shaate sumuu yiino. Isxifaanoosi reyi barra, Yerusaalamete noo beetekiristaanera lowo xiiwama iillitu. Soqqamaasine calla agurranna ammanaano baala Yihudunna Samaariyu gobba billaallitu.

LAYINKI QORONTOOSI 4:17

Kuni shetisannonkehu shiimu sa"anno qarri, hakko qarrira aliidiha dhaggeeffantanniha hegere ayirrinye haa're daannonke.

FILIPHISIYUSI SOKKA 1:28

Gibbanno'nere mittu coyira nafa waajjitinoonte! Wo'manka woyite jawaatte. Hatti insara baote, ki'nera kayinni qeellete malaateeti. Konne assannohuno Maganoho.

LAYINKI XIMOOTEWOOSI 2:12

Cincine hee'nummoro, isi ledo moonkeemmo. Badhe wodhinummosiro kayinni, isino badhe wodhannonke.

LAYINKI XIMOOTEWOOSI 3:11

Xiiwama'yanna qarrama'ya afootto; Antsookiyaho, Iqooniyooninna Lisxiraani iillinoerenna cincoommo xiiwama afootto. Mootichu kayinni baalunkurinni gatisinoe.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YAIQOOBI 5:11

Cincite uurritinore, «Ba'raadhinoreeti» yineemmonsa. Iyyoobi cincino gara macciishshitinoonni. Mootichuno goofimarchoho assinosiha dancha coye affinoonni. Kunninni Mootichu sao agurannohanna mararannoha ikkinota buuxxinoonni.

UMI YOHAANNISI 3:12

Bushunniha ikkinohu Qaayeeli rodoosi shiino; ninke hattoore ikkinoonke. Isi rodoosi mayira shii? Loosisi bushinohuraatinna rodiisi loosi dancha ikkinohuraati.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.