MAATEWOOSI 4:8 - Qullaawa Maxaafa

⁸ Sheexaanu lede Yesuusa lowo geeshsha seedu ilaali iimira haa're fushshe, alamete gashshooti ayirrinye baala leellishe,

MAATEWOOSI 4:8 ပူးပေါင်းရင်းမြစ်များ

ASTEERI 1:4

Moote jiro batidhinoha ayirradonna gaamaara mootete mine 6 agana wo'ma leellishinsa.

ASTEERI 5:11

Jirosinna oososi batinye coyi're, mooteno roorre ee mageeshshi geeshsha ayirrisinosironna wole gashshaano baalantenni roore ayirrado ikkinota naaxxanni kulinsa.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

KIIRO 23:3

Hakkunni gedensaanni Beleaami Baalaaqira, «Kaaliiqi anewa daannotanna hoogannota mare afe higammo geeshsha, ati konniicho shilqote kakkalokkiwa agari; leellishinoere baala daye kuleemmohena» yiisi. Hakkunni gedensaanni Beleaami callichisi mittu gaari iimira fuli.

MAATEWOOSI 16:26

Mannu gobba baalate jiro afi're lubbosi hu'niro, ma lexxanno? Woy kayinni lubbosi gatisi'rate maricho aanno?

MAATEWOOSI 4:5

Hakkunni gedensaanni, Sheexaanu Yesuusa Qullaawa Katama Yerusaalame masse Qullaawu Mini guunxo iimira fushshe uurrise,

YOHAANNISI 5:20

Annu Beetto baxanno; loosannore baalano leellishannosi. Ki'ne dhagge assidhinanni gede, konne roorino coyeno leellishannosi.

UMI PHEEXIROOSI 1:24

«Mannu baalu hayissote gedeeho; ayirrinyisino xawu daraaro gedeeho. Hayisso mooltanno; daraarono giggiltanno.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.