MAATEWOOSI 4:2 - Qullaawa Maxaafa

² Hakkiicho shoyilloo barranna shoyilloo hashsha itikkinni keeshshe hudi'ri.

MAATEWOOSI 4:2 ပူးပေါင်းရင်းမြစ်များ

UMI MOOTOOLLA 19:8

Isino kae sagale ite waano agi. Hattenne itino wolqanni Siina yinannihu Kaaliiqi ilaali geeshsha 40 barranna 40 hashsha wo'ma ha'ri.

FULO 24:18

Muse ilaalu iimira fulanni hee'reenna gomichu guggushshisi. Hakkiicho 40 barranna 40 hashsha keeshshi.

FULO 34:28

Hakkiicho Muse itikkinninna agikkinni Kaaliiqi ledo 40 barranna 40 hashsha keeshshi. Tonnenta gondooru hajajono bocame kinna aana borreessi.

MAATEWOOSI 21:18

Yesuusi soodo guto galagale katama higanni hee're hudi'ri.

MAATEWOOSI 25:35

Hudi'reenna itissinoonnie; goo'reenna hayikkissinoonnie; wosinchimma dayenna haadhinoonnie.

MAATEWOOSI 25:42

Hudi'reenna di"itissinoonnie; goo'reenna dihayikkissinoonnie;

MAARQOOSI 11:12

Yesuusi layinki barra Biitaaniyunni higanni hee're hudi'ri.

LUQAASI 4:2

Hakkiicho shoyilloo barra Sheexaanu jifisi. Kunni shoyillawu barri giddo mittoreno itinokki daafira goofimarchoho hudi'ri.

YOHAANNISI 4:6

Hakkiicho Yaiqoobi buicho no. Yesuusino seeda doogo ha'rinohura daafure buete mule ofolli; yannano barru taalooteeti.

MARRO 18:18

roduuwinsa giddonni ate gedee himanaancho kayiseemmo; coyi'rannoha qaale'yano eemmosi. Ani hajajoommosire baala mannaho kulanno.

MARRO 9:18

«Hakkunni gedensaanni, Kaaliiqi albaanni cubbo loossine assitinoonni bunshenni hanqissinoonnisi daafira, ita aga agure shoyilloo hashshanna shoyilloo barra galagale Kaaliiqi albaanni gombisamoommo.

MARRO 9:25

«Kunninni kainohunni, Kaaliiqi hunanno'ne gede coyi'rinohura, hakkonne shoyilloo hashshanna shoyilloo barra Kaaliiqi albaanni diriire,

MARRO 9:9

Kaaliiqi ki'ne ledo eino gondooro borreessinoonnita bonce seekkinoonni kinna haa'rammora ani ilaalu iimira fuloommo. Hakkiicho mittoreno itummokkinninna agummokkinni 40 hashshanna 40 barra keeshshoommo.