MAATEWOOSI 4:15 - Qullaawa Maxaafa

¹⁵ «Baarunniwa massitanno doogoranna Yordaanoosi Wayira widoonni heedhannori, Zaabilooninna Nifitaalemi gobba, amma'nitinokki daga Galiilunniti,

MAATEWOOSI 4:15 ပူးပေါင်းရင်းမြစ်များ

UMI MOOTOOLLA 9:11

Xiroosi moote Kiraami Selemoonira kunni loosi baalunkura ikkanno gede lowo daguwa, hoommenna lowo culka uyinosi. Loosu baalunku goofihu gedensaanni, moote Selemooni Galiilu gobbara noota 20 shiimmaadda katamma Kiraamira uyinosi.

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

ISAYAASI 9:1

Ikkirono xa qarru giddo noore kunni ka'a mitiimma diamaddannonsa. Alba Zaabilooninna Nifitaalemi baatto shollite keeshshitino. Albillittete kayinni Yordaanoosira widoonni nooti daga heedhannoti Galiilu baatto ayirrinye haraqidhanno.

MAATEWOOSI 4:13

Naaziretete Katama agure, Zaabilooninna Nifitaalemi gobbara Galiilu Wayi mule noo katama Qifirinahoomi ha'ri.

MAATEWOOSI 4:14

Kuni ikkinohu himanaanchu Isayaasi,

MAATEWOOSI 4:25

Galiilu gobbanninna Tonne Katammanni, Yerusaalametenni, Yihudunninna Yordaanoosi Wayi widiidinni dayinohu lowo manni Yesuusi hoode ha'ri.

LUQAASI 24:27

Hakkunni gedensaanni Musenna himanaanote maxaaffanni kayise, Qullaawa Borro baalate giddo Isi daafira coyi'noonnire xawise kulinsa.

IYYAASU 20:7

Kunnira, Yordaanoosi Wayira galchimaanni Nifitaalemi iqqira gaaraame gobbara nootera Galiilaho Qedeeshi katamira, gaaraame Efireemi gobbara Sekeeminna gaaraame Yihudu baattora Kebirooni doorte baddu.

IYYAASU 21:32

Nifitaalemi baattonni beenke saada hossanno baatto ledo uyinoonninsahu sasu katami, Galiilaho noo katamma eeggonnite giddonni gamu Qedeeshi, Haamooti Dooritinna Qartaaniiti.