MAATEWOOSI 4:11 - Qullaawa Maxaafa

¹¹ Hakkunni gedensaanni Sheexaanu Yesuusa agure ha'reenna, sokkaasine dagge towattusi.

MAATEWOOSI 4:11 ပူးပေါင်းရင်းမြစ်များ

UMI MOOTOOLLA 19:6

Eeliyaasino kae wirri yee la"anno woyite, umaallosiinni raino timinna maaqqete wayi nooha afi. Itinna agihu gedensaanni galagale goxi.

MAATEWOOSI 26:53

Ani Anna'ya huucci'roommoro kumunni kiirranni sokkaasine soyaera dandaannokkiha lawihe?

MAATEWOOSI 4:6

«‹Lekkakki kinchu gane gawajjannohekki gede, angansa woroonni worte irkissahera, Maganu sokkaasinesi hajajannohe› yine borreessinoonnina, hanni ati Maganu Beetto ikkoottoro kawiichinni umokki eela qolte tugi!» yiisi.

MAARQOOSI 1:13

Hakko halalli gobbara, Sheexaanu jifannasi shoyilloo baara keeshshi. Moyichu ledo hee'ranna sokkaasine dagge soqqantusi.

LUQAASI 22:43

Hattenne yannara jawaachishanno sokkaasinchi gordunni dirre leellisi.

LUQAASI 22:53

Barru baala Qullaawa Mine rosiisanni ki'ne ledo hee'rummo geeshsha diamaddinoonnie. Xa kayinni tini ki'ne yannaatinna tunsichu gashshaanchi yannaati» yiinsa.

LUQAASI 4:13

Sheexaanu Yesuusa jifannore gudihu gedensaanni yannate geeshsha agure ha'ri.

YOHAANNISI 14:30

Tenne gobba gashshaanchi Sheexaanu daanni noo daafira, ki'ne ledo lowore dihasaaweemmo. Isi ane aana wolqa diafi'rino.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 1:6

Maganu bayira Beettosi tenne gobba soyara kai yannara, Maganu sokkaasine baala magansidhannosi gede hajajino.