MAATEWOOSI 4:1 - Qullaawa Maxaafa

¹ Hakkunni gedensaanni Sheexaanu jifannosi gede, Qullaawu Ayyaani Yesuusa halalli gobba qole haa're ha'risi.

MAATEWOOSI 4:1 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

UMI MOOTOOLLA 18:12

Ani kawiichinni ka"anni hee'reennanni ate Maganu Ayyaani anfannikkiwa haa're ha'rihero ani hiikka higeemmo? Akiaabira konniicho noottota kuleenna daye ate hooganno woyite ane shaannoe. Ani anje'yanni kayise Kaaliiqa waajjeemmoha ikkoommota ati egennootto.

LAYINKI MOOTOOLLA 2:16

«Kuneeti konniicho 50 jawaatu manni no; miteekke Kaaliiqi ayyaani mootichakki masse mitu ilaali aana woy mitu lagichira worannona, hanni marre hanso ikka?» yitusi. Elsai qole, «Dee'nina, hadhinoonte!» yii.

HIZIQEELI 11:1

Maganu Ayyaani uullanni iima qole kayise"e, soojjaati ragaanni noohuwa Qullaawu Mini waalchiwa abbie. Hakkiicho waalchu mule 25 manna afummo. Insa mereero mannu albisoota ikkitinori Azuuri beetti Azaaniyanna Beenaya beetti Felaaxiyi no.

HIZIQEELI 11:24

Ajuujatenni Maganu Ayyaani baattotenni iima qole kayise, Baabilooni qafadante nooriwa haa're massie. Hakkunni gedensaanni ajuuja maaxantue.

HIZIQEELI 3:12

Hakkunni gedensaanni, Maganu Ayyaani iima qole gotti assie. Badhe'yaanni, «Gordoho ayirre hee'rannohu Kaaliiqi galatamo» yitannota lowo huuro macciishshoommo.

HIZIQEELI 3:14

Kaaliiqiti jawaata wolqa anewa daggu. Ayyaanisi iima qole kayisie yannara, aarunna hanqu giddo wo'mie.

HIZIQEELI 40:2

Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

HIZIQEELI 43:5

Kaaliiqi Ayyaani iima qole gotti asse, giddoyidi nafarchira haa're eessie. Kaaliiqi ayirrinyi Qullaawa Mine wo'me nooha afummo.

HIZIQEELI 8:3

Isino mannu anga labbannotenni umi'ya danancho amade gotti assie. Tenne ajuujanni Maganu Ayyaani baattotenni iima qole kayise, Yerusaalame iillishie. Aliyye ragaanni Kaaliiqa hanqissannoti kaphu maganna noowa Qullaawu Maganu Minira haa're massie.

YOHAANNISI 14:30

Tenne gobba gashshaanchi Sheexaanu daanni noo daafira, ki'ne ledo lowore dihasaaweemmo. Isi ane aana wolqa diafi'rino.

SOQQAMAASINETE LOOSO 8:39

Wayi giddonni fultuhu gedensaanni Maganu Ayyaani Filiphoosi wolewa haa're ha'risi. Manchu layinkita iso diafino; ikkollana tashshi yaannasi doogosi ha'ri.

ROOMU SOKKA 8:14

Maganu Ayyaani hoode hadhannori, Maganu oosooti.

IBIRAAWOOTA 2:18

Isi jifami yannara qarra adhino daafira, qarru jifannore kaa'la dandaanno.

YAIQOOBI 1:14

Ikkollana mittu mittunku manchi jifamannohu umisi yortonni goshooshamanninna dogamanniiti.