MAATEWOOSI 3:12 - Qullaawa Maxaafa

¹² Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

MAATEWOOSI 3:12 ပူးပေါင်းရင်းမြစ်များ

IYYOOBI 21:18

Bubbe galawu gede, hombobolatte kuru gede, haadhe hunte egentinonsani?

FAARSO 1:4

Bushuullu kayinni hattoore di"ikkitino; bubbe kayisse huntanno kuri gedeereeti.

FAARSO 35:5

Kaaliiqi sokkaasinchi shorrannansa, diilallote tungoonni kuri gede ikkito.

ISAYAASI 1:31

Giira cide ittannohu gede, «Ninke wolqaataammaho» yitannore cubbinsanni kainohunni ayino hoolara dandaannokki bao amaddannonsa.

ISAYAASI 17:13

Gosa foonchu wayi gede luulturo nafa, Kaaliiqi rufannonsa woyite ilaalu aana billaallinsoonni galawi gedenna hombobolatte kayissino buko gede ikkitanno.

ISAYAASI 27:4

Layinkimeeshsho woyine'ya kaashshi dargira dihanqeemmo; hakkiicho mu're kaashsho hunanno utanna kokko'le, buqqise co'o asse giire huneemmo.

ISAYAASI 28:28

Qamadenna hayixe gannannita ikkinnina, cancanamanno gede diassinanni; faradi gaare aanaanni hadhanni nafa cancantanno gede diassinanni.

ISAYAASI 30:24

Hawuudhitinanniti handa'nenna harre'ne maxine worre karsiinsoonni kura ittanno.

ISAYAASI 41:16

Woowansiteenna bubbe adhite hadhannonsa; hombobolatteno billaallissannonsa. Ani Kaaliiqakki ikkoommo daafira, hatte yannara hagiidhatto; atino ane Israeelete Qullaawa ikkoommoha Magano galaxxatto.

ISAYAASI 5:24

Israeelete qullaawa ikkinohu Olantote Mootichi Kaaliiqi uyino seeranna rosiisino woga shotissinohura, giira ittanno galawinna moola hayisso gede insahuno hundinsanna rumushshinsa fugude ba"anno; daraaronsano bukote gede ikkite ba'anno.

ISAYAASI 66:24

Fulte hadhanno woyite anera hajajama gibbe reyitinori reeshsha la'anno. Hakkore ittanno da'muulla direyitanno; ittannonsa giirano dixo'anno; laihu baalu shagaggi'rannonsa» yii.

ERMIYAASI 15:7

Bubbe fincitanno kuri gede, gobbate aana noo katamma baalate billaalliseemmo'ne. Bushu loosi'nenni kainohunni, ki'ne manna'ya huneemmo; ooso'neno reyitanno gede asseemmo.

ERMIYAASI 17:27

Fooliishshote Barra mitore dukkine Yerusaalamete waalchuwa widoonni higgine sa'inanni qullaawa assitine agara giwatenni yoommore huntiniro kayinni, Yerusaalamete waalchuwara xo'annokki giira soyemmo. Yerusaalamenniti gashshootu minna giirantanno; xoyissannohuno dihee'ranno› yoommo» yii.

ERMIYAASI 4:11

Bao dagganno yannara ki'ne Yerusaalamete mannira Kaaliiqi, «Giirtanno bubbe moola baattonni ka'e manni'ya aanira dagganno. Tini bubbe woggarte baddannota ikkitukkinni, hakkiinni sa'e lowo geeshsha giirte mooshshitannote. Cubbi'nenni kainohunni tini bubbe co'o assite huntanno'ne» yee kulanno'ne.

ERMIYAASI 51:2

Gidu gede woowansitannorenna baattonsa huntannore, wole gobba manna soyemmo. Ba'inanni barri daanno woyite, insano ragu ragunkunni bala tugge baatto mulla gatissanno.

ERMIYAASI 7:20

Kunnira ani Mootichu Kaaliiqi, xa hanqo'yanna aara'ya konniicho mannunna saadate aana, dubbu haqqenna laalchu baalu aana duneemmo. Hanqi'ya xoyissine anfannikkiha ikkanno.

HOOSEI 13:3

Kunninni kainohunni insa guto guunjo gede ikkite ba'anno; soodo loji gede ikkite giggiltanno. Ayiddummete aaninni hombobolatte fiite kayissanno kuri gede woy minu giddoonni higge fulte gooffanno wiliile gede ikkitanno.

AMOOTSI 9:9

«Israeelete manni giddonni tidhitinokkire bade hoolate, insa gidu gede asse meemmiisseemmo; hatto asseemmohuno dagate mereero heedhanno yannaraati.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MAATEWOOSI 13:30

Gide murranni yanna dagga geeshsha qamadeno santaatuno mitteenni lophona; murranni yannara murtannori balaxxe santaata giirranni gede xinqite qawo qawo assite usurtanno; qamade kayinni gamba assite qaldi'yara wortanno gede kuleemmo› yiino» yee qolinsa.

MAATEWOOSI 13:41

Hatte yannara Manchi Beetti sokkaasinesi soyanno; insano manna cubbu giddora eanno gede assitannorenna bunshe loossannore baala Maganu Gashshooti giddonni xinqite fushshitanno.

MAATEWOOSI 13:42

Goolu giira giddo tungeenna hakkiicho wi'litanni suumensa ittanno.

MAATEWOOSI 13:43

Keeraano kayinni Anninsa Gashshootira arrishshote gede xabbanno. Macca noohu macciishsho!» yiinsa.

LUQAASI 3:16

Yohaannisi baalunkura, «Ani wayinni cuueemmo'ne; ikkollana wolu ane rooru daanno; ani koattesi suncho nafa tira didandeemmo. Isi Qullaawu Ayyaaninninna giiratenni cuuanno'ne.

LUQAASI 3:17

Isi ayiddummete aana noo gide woowansinanni woowancho anga adhe no. Kura badihu gedensaanni dancha gide qaldaho woranno; kura kayinni xo'annokki giira giddo tuganno» yiinsa.

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.