MAATEWOOSI 28:9 - Qullaawa Maxaafa

⁹ Yesuusi doogote ha'ranni noore afe, «Keeru ki'ne ledo hee'ro!» yiinsa. Insano isiwa shiqqi yee, lekkasira uwe kumbuuli.

MAATEWOOSI 28:9 ပူးပေါင်းရင်းမြစ်များ

ISAYAASI 64:5

Hisatte atera hajajantannorenna, ati hedoottore assitannore baala kaa'latto. Ninke cubbi kayinni hanqisinohe; kunnira, ganteemmohu ati kaa'littonkerootilla.

MAATEWOOSI 14:33

Yowolote giddo noori baalu, «Halaalinta ati Maganu Beettooti!» yite Yesuusira kumbuultusi.

MAATEWOOSI 23:7

Gudumaaleho mannu baalu keere haa'ransaranna, ‹Rosiisaancho› yee woshshansara hasidhanno.

MAATEWOOSI 28:10

Hatte yannara Yesuusi, «Waajjitinoonte! Hadhine Galiila sa'anno gede roduuwi'yara kulle. ‹Hakkiicho affinanniena yiino› yiiyyensa» yii.

MAATEWOOSI 28:17

Iso affe magansidhusi; gamu kayinni huluullantu.

MAATEWOOSI 28:8

Hakkunni gedensaanni, meentu waajjillunninna lowo hagiirrinni waammatewiinni rahe fule rosaanote kulara dodi.

LUQAASI 1:28

Sokkaasinchu isewa daye, «Ati elto wo'mitinoheti, keeru ledokki hee'ro! Maganu ate ledo no. [Ati meentu mereero maassamoottate]» yiise.

LUQAASI 24:52

Insano Isira kumbuulte lowo hagiirrinni Yerusaalame higgu.

LUQAASI 7:38

Yesuusira badheenni lekkasi mule uurrite wi'litanni lekkasi hindiiddotenni shanshite, umise dananchinni fiite lekkasi sunqitanni aanaho shitto duntu.

YOHAANNISI 12:3

Hatte yannara Maariyaami lowo woxinni hirrannita litirete darate ikkitanno shitto haadhe Yesuusi lekkara duntu; dananchisennino fiitu. Su'niilluno mine wo'mi.

YOHAANNISI 20:19

Sambatu hawarro rosaanosi Ayihude waajjite cufana cufidhe mitto mine gamba yite no. Cufanu cufame hee'reenna Yesuusi rosaanosi gamba yite noowa daye mereeronsa uurre, «Keeru ki'ne ledo hee'ro!» yiinsa.

YOHAANNISI 20:28

Toomaasino, «Mooticha'ya! Magano'ya!» yii.

LAYINKI QORONTOOSI 13:11

Xaate roduuwa'ya keerunni heedhe! Heeshsho'ne biddi assidhe; seejjo'ya adhe. Mimmiti'ne ledo sumuu yiiyye. Keere heedhe; baxillunna keeru Magani ledo'ne hee'ranno.

YOHAANNIS AJUUJA 3:9

Ayihude ikkitukkinni, «Ninke Ayihudete» yitannori, Sheexaanu gaamo miilla ikkitino kaphaasine, albakkiinni dagge lekkakki hunda ubbe, ani baxoommoheta affanno gede asseemmo.