MAATEWOOSI 28:2 - Qullaawa Maxaafa

² Hedeweelcho baatto lowo geeshsha shafantu; Maganu sokkaasinchi gordunni dirre waammate tu'noonni kincho gongo'mishe hoole aanaho ofolli.

MAATEWOOSI 28:2 ပူးပေါင်းရင်းမြစ်များ

MAATEWOOSI 27:60

Kincho kurkurre seekkinoonnitera haaro umisi waamma giddo madaarisi. Hakkunni gedensaanni lowo kincho gongo'mishe, waammate afoo cufe ha'ri.

MAATEWOOSI 27:66

Kunnira marte waammate kinchi aana maattama gante agartanno gede gaaddo wortu.

YOHAANNISI 20:1

Sambatu barra soodo guto duu'mo saaqqukkinni Megidelitte Maariyaami Yesuusi waammawa martu. Hakkiira iillitanno woyite waamma tu'noonni kinchi waammate afiinni ho'le nooha affu.

SOQQAMAASINETE LOOSO 16:26

Hakko mereero hedeweelcho baatto shafanteenna, usuru mini tenqe yii. Cufanna baala mitteenni fa'nantu. Usuranyu baalunku cagaageno tatta'u.

SOQQAMAASINETE LOOSO 5:19

Maganu sokkaasinchi kayinni hashsha usuru mini cufana fane fushshensa,

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

UMI PHEEXIROOSI 1:12

Tini himanaano ki'nera ikkinnina uminsara soqqantinokkiti xabbe leeltinonsa; soqqantino'nehuno gordunni sonkoonnihu Qullaawu Ayyaani widoonni xa Dancha Duduwo kuli'ne manni hasaawinore xawisatenniiti. Konne coye sokkaasine nafa la'ara halchitanno.

YOHAANNIS AJUUJA 11:19

Gordoho noohu Qullaawu Mini fa'nami; isihu gondooru taabootino hakkiicho leelli. Hatte yanna giddo banqo, belequ, gugatto, baattote huxi'ranna jajjabba kaade no.