MAATEWOOSI 28:18 - Qullaawa Maxaafa

¹⁸ Yesuusi insawa shiqqi yee, «Roorre baala gordohonna baattote uyinoonnie.

MAATEWOOSI 28:18 ပူးပေါင်းရင်းမြစ်များ

FAARSO 89:19

Bi're ammanantino soqqamaanokkira, ajuujatenni coyi'dhanni, «Gashshoote'ya bareedu anga woroommo; mannu mereerinni doodhoommoha gotti gotti assoommosi.

FAARSO 89:27

«Anino bayira beettonna mootoolla baalantera aliidiha asseemmosi.

LAWISHSHA 8:15

Mootoolla anenni mookkanno; gashshaano halaalaancho seera fushshitannohuno anenniiti.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

LUQAASI 10:22

«Wo'manka coye Anni'ya uyinoe. Beettu ayetiro Anna agurranna afinohu mittuno dino. Beetto agurranna woy Beettu xawise kulinosiha agurranna Anna afannohu mittuno dino» yii.

YOHAANNISI 13:3

Yesuusi, Maganu Annu roorre baala uyinosita afino. Maganuwiinni dayinotanna galagale Maganunniwa ha'rannota egennino.

YOHAANNISI 17:2

Ayirrisattosihu, oottosirira baalaho hegere heeshsho aate, mannu baalu aana roorre oottosihuraati.

YOHAANNISI 3:31

Ledeno, «Gordunni daannohu wo'munkura aliidiho; uullate aanihu uullaho; uullare coyi'ranno; gordunni daannohu kayinni wo'munkura aliidiho.

YOHAANNISI 3:35

Annu Beettosi baxanno; wo'mankareno angasi worino.

SOQQAMAASINETE LOOSO 10:36

Maganu soyino qaali, baalunku Mooticha ikkinohu Yesuusi Kiristoosi widoonni hige keerunnihu Danchu Duduwi kulamanna Israeelete mannira iillanno gede sonkoonniha ikkinota egentinoonni.

SOQQAMAASINETE LOOSO 2:36

«Xa konne ki'ne suttini Yesuusa, Maganu Mootichanna Kiristoosa assinosita Israeelete manni baalu halaalinta afo!» yii.

ROOMU SOKKA 14:9

Konne ikkinohura, Kiristoosi reyotenni kainohu, nooriranna reyitinorira Mooticha ikkaraati.

UMI QORONTOOSI 15:27

Qullaawa borro, «Maganu baalankare angasira qolino» yaanno. «Baalunkuri angasira higino» yinanni woyite, baalankare angasira qolinoha Magano Anna dikarsanno.

QOLASIYAASI SOKKA 2:10

Ki'neno gashshatenna roorrete umo ikkinohu Kiristoosi widoonni wo'mille afidhinoonni.

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

IBIRAAWOOTA 2:8

«Angasi loosi baalu aana moohisisi» yinanni woyite mitturino gatikkinni yaate. Ikkollana, baalunku coyi isi angara higinota xaara dianfoommo.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.